Скачать или смотреть Tv Klan - Trump nuk lejon Izraelin të pushtojë Bregun Perëndimor

Donald Trump premton se nuk do ta lejojë Izraelin të aneksojë Bregun Perëndimor, siç po përpiqet të bëjë me Gazën, një hap për të cilin në Tel Aviv po flitet gjithnjë e më shumë si hakmarrje ndaj zgjerimit të njohjeve të shtetit palestinez nga disa vende perëndimore këtë javë.

“Nuk do ta lejoj Izraelin të pushtojë Bregun Perëndimor. Boll ke kaq, tani është koha për t’u ndaluar.”

Duke folur para gazetarëve në zyrën e tij, shefi i Shtëpisë së Bardhë tha se shumë shpejt mund të arrihet një marrëveshje për lirimin e pengjeve izraelite që mbahen nga Hamasi, që t’i jepet fund luftës në Gaza.

E teksa nuk po e bind dot Vladimir Putinin për të ndalur luftën në Ukrainë, Trump ka nisur t’ia shtrëngojë lakun financiar Rusisë, edhe pse ende nuk ka ndërmend të nënshkruajë sanksione. Pranoi para gazetarëve se në takimin e të enjtes me presidentin turk në Shtëpinë e Bardhë kishte diskutuar për mundësinë që Turqia të ndalonte blerjen e naftës nga Rusia si ndëshkim për luftën në Ukrainë.

“Besoj se do të ndalë blerjen, sepse ai ka mundësi të furnizohet nga shumë njerëz të tjerë. Hungaria e ka jetike naftën ruse sepse ka vetëm një tubacion dhe është e rrethuar vetëm nga toka. Sllovakia po ashtu është si e martuar me një tubacion të vetëm. Ndërsa Turqia ka plotë opsione.”

Trump shprehu besimin se Ukraina, me ndihmën perëndimore, mund ta rimarrë territorin e pushtuar nga rusët, të cilët sipas tij nuk po munden të përparojnë më.
SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/