Скачать или смотреть Ноокатта айыл башчы 450 миң сомго курулган көпүрө менен 3 млн сомдук көпүрөнү салыштырып

Ноокат районунун Кыргыз-Ата айыл аймагына караштуу Ак-Булак айылынын башчысы Илгиз Нарматов элдик салым менен курулган көпүрө менен мамлекет каржылаган көпүрөнүн наркын салыштырып, ири суммалар максатсыз жумшалышы мүмкүн экенин айтты.

Анын айтымында, быйыл Ак-Булак элинин мамлекетке кошкон салымынын эсебинен 10 метрлик, жөө өтмөгү жана тосмолору бар, эки унаа эркин өтө ала турган көпүрө 450 миң сомго курулуп бүттү.

«Ойлобоңуздар эптеп-септеп эле жасады деп. Көпүрө толук стандартка ылайык жасалды. Калыңдыгы 30-35 сантиметр плиталар коюлду. Прораптар көзөмөлдөп турду», - деди ал.

Илгиз Нарматов 2016-жылы Көтөрмө айылы менен Ак-Булак айылын бириктирген мамлекет тарабынан курулган, узундугу 6 метр болгон көпүрө 3 млн сомго түшкөнүн белгилеп, анын көлөмү стандартка туура келбегенин жана сметада ашыкча чыгымдар көрсөтүлгөн болушу мүмкүн экенин билдирди.