Скачать или смотреть વિમાન ક્રેશ ની દુઃખદ ઘટના: અમદાવાદ, એર ઈંડિયા ફલાઈટ, Air india:

અમદાવાદ ઇન્ટરનેશનલ એરપોર્ટ ખાતે એક મોટી વિમાન દુર્ઘટના ના વિડિઓ સોસીયલ મીડિયા પર વાયરલ થયા હતા,

જેમાં મુસાફરોને લંડન લઈ જતું એર ઇન્ડિયાનું વિમાન ક્રેશ થતુ જોવા મળે છે, અમદાવાદમાં ટેકઓફ દરમિયાન આ અકસ્માત નડ્યો હોય તેવું જોવા મળે છે, એવું કહેવામાં આવી રહ્યું છે કે ફ્લાઇટનો પાછળનો ભાગ ઝાડ સાથે અથડાઈ ગયો હતો

પ્રાપ્ત માહિતી અનુસાર વિમાનમાં 242 લોકો સવાર હતા, જેમાં 2 પાઇલટ અને 10 કેબિન ક્રૂનો સમાવેશ થાય છે. વિમાનનું નેતૃત્વ કેપ્ટન સુમિત સભરવાલ, ફર્સ્ટ ઓફિસર ક્લાઇવ કુંદરે કર્યું હતું. કેપ્ટન સુમિત સભરવાલ 8200 કલાકનો અનુભવ ધરાવતો એલટીસી છે. કો-પાઇલટને 1100 કલાકનો ઉડાનનો અનુભવ હતો.

ATC ના જણાવ્યા મુજબ, વિમાને અમદાવાદ એરપોર્ટના રનવે 23 પરથી ઉડાન ભરી હતી. તેણે ATC ને મે ડે કોલ કર્યો હતો, પરંતુ ત્યારબાદ ATC દ્વારા કરવામાં આવેલા કોલનો કોઈ જવાબ આપ્યો ન હતો. રનવે 23 પરથી ઉડાન ભર્યા પછી તરત જ, વિમાન એરપોર્ટની બહાર જમીન પર ક્રેશ થયું હોય તેમ જોવા મળે છે, . અકસ્માત સ્થળ ઉપરથી ભારે કાળો ધુમાડો નીકળતો જોવા મળ્યો.


આ ઘટના બાબતે મુખ્યમંત્રી ભૂપેન્દ્ર પટેલે જણાવ્યું હતું કે, અમદાવાદમાં એર ઇન્ડિયાના પેસેન્જર વિમાનના દુર્ઘટનાની દુ:ખદ ઘટનાથી હું ખૂબ જ દુઃખી છું. મેં અધિકારીઓને આ અકસ્માતમાં તાત્કાલિક બચાવ અને રાહત કાર્ય હાથ ધરવા અને ઘાયલ મુસાફરોની તાત્કાલિક સારવાર માટે યુદ્ધના ધોરણે વ્યવસ્થા કરવા સૂચના આપી છે. ઘાયલ મુસાફરોને સારવાર માટે લઈ જવા માટે ગ્રીન કોરિડોરની વ્યવસ્થા કરવા અને પ્રાથમિકતાના આધારે હોસ્પિટલમાં સારવાર માટેની તમામ વ્યવસ્થા સુનિશ્ચિત કરવા માટે પણ સૂચનાઓ આપવામાં આવી છે.

બ્યુરો રિપોર્ટ ગ્રામીણ ટુડે ન્યુઝ, તાપી ‪@gramintodaynews‬