បងមណ្ឌលពន្យល់ធម៌[គ្មានកម្លាំងអ្វីខ្លាំងដូចកម្លាំងកម្ម]

យប់មិញបងមណ្ឌលពន្យល់អំពី​ "#លោកិយកើតពីកម្លាំង"
និង "អវិជ្ជានាំអោយមានការដឹងច្រឡំថាមានខ្លួន" ។

នៅក្នុងសំនេររបស់ពូមួយរយៈចុងក្រោយនេះដែលនិយាយអំពីសច្ចៈ (ធម៌) គ្រប់សំនេរទាំងអស់ បាតគ្រឹះដំបូងគឺ និយាយពីការកកើតលោកិយ (ត្រៃភព) ។ក្នុងសច្ចៈគឺមានតែកលាបៈ តែមួយគត់ តែមួយគត់ ដែលជាធាតុ ហើយវាផ្សំពីសមាសធាតុ4មាន ធាតុដី ធាតុទឹក ធាតុភ្លើង ធាតុខ្យល់ ។ កលាបៈតែមួយគត់នេះឯង វិលយ៉ាងជក់យ៉ាងខ្លាំងក្នុងទង្រង់ដូចកូនអាប៉ោងវិល ចេញជា "កម្លាំង" ។

ការពិតក្នុងធម្មជាតិនេះ រឺសច្ចៈ គឺមានតែកលាបៈតែ១គត់ដែលជាធាតុ ហើយវាវិលយ៉ាងជក់ឥតឈប់ ចេញជា "កម្លាំង" ។ កម្លាំងមិនត្រូវមានការដឹងឡើយ ព្រោះវាជាកម្លាំង ដូច្នះវាមិនត្រូវមានការដឹងឡើយ ។ ចំណែកឯការដឹងថាមានលោកិយនេះ ដឹងថាមានអ្វីៗទាំងអស់ក្នុងលោកនេះ រួមទាំងការដឹងថាមានខ្លួនផង គឺជា " អវិជ្ជា "។ កើតការដឹងថាមាន គឺជា "អវិជ្ជា" ដែលក្នុងធម្មជាតិ រឺសច្ចៈមិនត្រូវអោយមានការដឹងសោះ ព្រោះអ្វីទាំងអស់ក្នុងលោកសុទ្ធតែជាកម្លាំង បើវាជាកម្លាំងវាមិនត្រូវដឹងអីទេ ទើបត្រឹមត្រូវ។
ដូច្នេះ អវិជ្ជា (ការដឹងថាមាន) គឺជារឿងលោកកិយ រឿងច្រឡំ រឿងខុស រឿងមិនពិត។
ក្នុងធម្មជាតិ គឺមានតែកម្លាំង កម្លាំងដែលកើតចេញពីការវិលរបស់កលាបៈតែមួយគត់។
សូមបងប្អូនស្ដាប់ការពន្យល់របស់បងមណ្ឌល ក្នុងវីដេអូនេះ។ ការយល់អំពីកម្លាំងនេះ សំខាន់ណាស់ សំខាន់ខ្លាំងណាស់ ជាស្ពានដើម្បីអោយបងប្អូនទៅយល់ដល់សំនេរពូផ្សេងៗទៀតអំពីធម៌។