Скачать или смотреть 09/02/2026 மொழி ஓர் அரசியல் ஆயுதம்.

மொழி என்பது போர்க்களத்தை வெல்லும் அரசியல் ஆயுதம்.
மொழி ஓர் அரசியல் ஆயுதம்.
வாளால் வெல்ல முடியாததை
ஒரு சொல் வென்ற வரலாறுகள்
இந்த உலகத்தின் மண்ணில் புதைந்திருக்கின்றன.
தன் தாய்மொழியின் செழுமை அறியாதவன்
தன் கோபத்தின் வறுமையை
தூசணச் சொற்களால் வெளிப்படுத்துகிறான்.
ஆனால் மொழியில் முதிர்ந்தவன்
எதிரியையும் சிந்திக்க வைக்கிறான்.
அதிகாரத்தை கூட மண்டியிட வைக்கின்றான்.
ரோம்புரி நகரில்,
ஒரு சூழ்ச்சிக்கார அரசியல் கும்பல்
மன்னன் ஜூலியஸ் சீசருக்கு எதிராக
அவரையே சுற்றி நின்ற படையைத்
திருப்பியது.
சீசரைக் கொல்ல சீசரின் மெய்ப்பாதுகாவலர்களே தயாரானார்கள்.
அந்த நேரத்தில் சீசர்
வாளை எடுக்கவில்லை.
படைக்கு உத்தரவு விடவில்லை.
அவர் சொன்னது
ஒரே ஒரு சொல் தான்.
“Quirites”
— “ரோமின் குடிமக்களே”.
“சிப்பாய்களே” என்று அழைக்காமல்,
“குடிமக்களே” என்று அழைத்த அந்தச் சொல்
அவரது பாதுகாப்பு படையினரின் உள்ளத்தில்
அதிர்வை ஏற்படுத்தியது.
அந்த ஒரு சொல்லால்
“நீங்கள் என் படை இல்லை;
நீங்கள் இந்த அரசின் பொறுப்பாளிகள்”
என்று அவர் நினைவூட்டினார்.
சூழ்ச்சிக்காரர்கள் அம்பலமானார்கள்.
சீசரின் பாதுகாப்பு படையினர் சூழ்ச்சிக்கார்ருக்கு எதிராகவே தமது வாள்களைப் திருப்பினர்.
போர் இல்லை..
ஆனால் அதிகாரம் உறுதி செய்யப்பட்டது.
இதுதான் மொழியின் அரசியல்
அந்த சரித்திரப் பிரசித்தி பெற்ற நாளில் ரோம்புரியில் சீசருக்கு
வெற்றியைத் தந்தது வாள் அல்ல;
சொல்.
எதிரியை அடக்க சில சமயம்
அவனைத் தாக்காமல்
அவனை சிந்திக்க வைப்பதால் கூட முடியும்.
மொழியில் புலமையற்றவர்கள்
அவதூறை அரசியலாக்குவார்கள்.
மொழியில் முதிர்ந்தவர்கள்
ஒரு சொல்லால்
அரசியல் அரங்கயே திசைமாற்றுவார்கள்.
நான் சொல்கிறேன் ,
என் எதிரியை
ஆபாசம் பேசாமலேயே
அதிர வைக்க முடியும்.
ஏனெனில்,
உடலை வெட்டும் வாளை விட
அர்த்தம் மிக்க சொல்
அதிகாரத்தையே நடுங்க வைக்கும்.
சில நேரங்களில்
ஒரு மௌனம்,
ஒரு புன்சிரிப்பு,
ஒரு சரியான சொல்
இதுவே அரசியலின்
அதிக சக்திவாய்ந்த ஆயுதம்.
ஆகவே,
என்னை “தமிழனா?” என்று
வினவுகிறவர்களே,
முதலில் தமிழை கற்றுக்கொள்ளுங்கள்.
அதன் வரலாற்றை கற்றுக்கொள்ளுங்கள்.
அதன் அரசியல் வலிமையை உணருங்கள்.
பிறகு வாருங்கள்
சொல்லின் போருக்கு
களமிறங்க.
அருண் சித்தார்த்
யாழ்ப்பாணம்
09/02/2026
+94774842464