«Құдайға сыйынып, айғайлап жатқан адамдар». Құлаған ұшақтың ішіндегі соңғы бейнекадрлар

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------

Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Ақтау маңында жолаушылар ұшағы апатқа ұшырады. Таңғы уақытта Бакуден Грозныйға бағыт алған әуе кемесі бір сағат радардан жоғалып, Каспий теңізінің үстінен табылған. Бірақ Әзірбайжан Эйрлайнсқа тиесілі Ембраер 190 маркалы ұшағы Ақтау әуежайына жетпей құлады. Екі бөлініп кеткен әуе кемесінің күл-талқаны шыққан. Борт ішінде бас-аяғы 69 жолаушы болған. Қаза тапқандар мен аман қалған адамдар туралы ақпарат сағат сайын жаңарып жатыр. Соңғы мәліметтер бойынша 29 адам ауруханаға жеткізілген. Ал ұшақ апатына әуе кемесінің құстарға соғылып, басқару құрылғысының бұзылуы себеп болуы мүмкін.
Бұл ұшақтың ішіндегі алғашқы кадрлар. Жолаушылардың бірі кәлимасын айтып, бір Құдайға сыйынып отыр. Шошынғаннан шыңғырып, айғайлап жатқан адамдардың дауыстары да естіледі. Бірақ Бакуден Грозныйға бағыт алған әуе кемесі Ақтау аспанында теңселіп, төмен қарай құлдилап құлаған. Осы сәтті әуежай маңындағы зауыттың жұмысшылары түсіріп алған екен.
Жерге шыр айналып түскен ұшақ бірден отқа оранып, күл-талқаны шықты. Әуе кемесінің артқы бөлігінде аман қалған жолаушыларды жұмысшылар құтқарып жанталасуда.
Каспий жағасында орналасқан кәсіпорынның қызметкерлері ұшақтың құлаған сәтін таспаға түсіргендерін айтады. Апатты көздерімен көрген азаматтар алып-ұшып оқиға орнына жетіпті. Тірі қалған жолаушыларды ұшақтан шығарып, көлігімізбен ауруханаға да тасыдық дейді.
ОҚИҒА КУӘГЕР:
– Үйлерге құламау үшін жүрді ғой құламай, летчиктер жақсы болды. Ең бос жерді тауып сол жерге құлады деймін да. Мына мекеменің ішінде қарайған адам жұмыс жасайды. Бәрінің де отбасы бар соның бәрін ойлаған болып тұр ғой ұшқыш. Самолет екіге бөлініп, әйтеуір тірі қалған адамдар бар арасында, қазақтар да бар.
ОҚИҒА КУӘГЕР:
– Біздер іште отырдық, ұшақ құлады деген хабарды естідік. Жедел жәрдем көлігін қыздырып алып бардық ең бірінші болып. Больной үш адамды салып алып, қалаға больницаға апардық. Қаланың больницасынан күтіп алды барлығы.
Теңіз жағасындағы мәйіттерді көрген көптің денесі түршікті. Оқиға орнына әп-сәтте адам мен жедел жәрдем көліктері қаптады.
МАХАББАТ НҰРЖАНҚЫЗЫ, тілші:
– Жолаушылар ұшағы әуежайға жетпей құлаған. Апат болған жерден екі шақырым қашықтықта Сайын ауылы орналасқан. Қазір әуе кемесі құлаған аумақты полиция қызметкерлері қоршап тұр. Бөтен адамды оқиға орнына кіргізбейді. Себебі, мамандар жан-жаққа шашылған ұшақтың бөлшектерін жинауға кіріскен. Құтқарушылар мен құзырлы орган өкілдері де осы жерде жүр. Ал, мына бетте тұрған Ақтау халықаралық әуежайы штаттық режимде жұмыс істеп жатыр. Ұшақтар өз уақытымен әуеге көтерілуде.
Ұшақтың ішінде бас-аяғы 69 адам болған. Оның бесеуі экипаж мүшесі. Апаттан аман қалған 29 адам жедел түрде ауруханаға жеткізілді. Жолаушылардың нақты қандай жарақат алғаны әзірге айтылмады.
БЕКБОЛАТ ІЗБАСАРОВ, Маңғыстау облыстық денсаулық сақтау басқармасының басшысы:
– Жеті науқастың жағдайы өте ауыр. Оның ішінде екі бала. Барлық медициналық көмек толық көлемде көрсетіліп жатыр. Жедел медициналық көмектің барлық составы жұмылдырылған.
Ембраер 190 маркалы ұшағы Әзірбайжан Эйрлайнс компаниясына тиесілі. Оның ішінде Әзірбайжан, Ресей, Қырғызстан және алты Қазақстан азаматы болған.
ЕРЛАН СҰЛТАНМҰРАТОВ, Маңғыстау облыстық төтенше жағдайлар департаментінің ресми өкілі:
– Үшінші ранг бойынша Маңғыстау облысы төтенше жағдайлар департаментінің барлық техникалары осы оқиға орнына келді. Және апаттар медицинасы орталығы жұмыстарын жасауда.
Росавиация өкілдерінің болжамы бойынша қайғылы оқиғаға ұшақтың құстармен соқтығысуы себеп болған. Апаттың нақты себебін арнайы құрылған Үкіметтік комиссия анықтайтын болады.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық