Скачать или смотреть School Buses Aur Travel Buses Mein Takkar| | 26 Talib-e-Ilm Zakhmi, | Andhra Pradesh Accident

#Munsif #MunsifNews #MunsifNews24x7 #MunsifDaily #MunsifHyderabad #MunsifIndia #TelanganaNews #hyderabadnewschannel

Andhra Pradesh ke Rajahmundry ke qareeb Devanachuru (Diwancheru) ilaqe mein aik afsosnaak road accident pesh aaya, jahan students se bhari do school buses do private travel buses se takra gayin. Is haadse mein 26 talib-e-ilm zakhmi ho gaye.

Nalgonda zila ke Gundlapally Model Government School aur College ke 9th, 10th aur Inter ke students teen roz qabl tafrihi daure par rawana hue thay. Group mein 40 talibat, 40 talba aur 10 teachers aur staff shamil thay jo do buses mein safar kar rahe thay. Students ne Araku, Paderu aur dusre maqamat ki sair ki aur wapsi ke dauran Annavaram Satyanarayana Swamy ke darshan bhi kiye.

Wapsi ke safar ke dauran, Mangal aur Chaharshanba ki darmiyani raat jab buses Rajahmundry ki taraf aa rahi thin, to achanak road par bhains aa gayi. Aik private travel bus ke driver ne achanak brake lagayi, jis ke baad peeche se aane wali school ki do buses aur aik aur travel bus aapas mein takra gayin.

Ittila milte hi police mauqe par pohanchi, zakhmi students ko ambulance ke zariye qareebi sarkari hospital muntaqil kiya gaya. Baqi students ko Devanachuru ke qareeb mandir mein mehfooz jagah par rakha gaya. Police haadse ki tehqiqat kar rahi hai.

#RajahmundryAccident #StudentBusAccident #AndhraPradesh
#SchoolPicnic #RoadAccident #BreakingNews
#StudentsInjured #APNews