АКЫН, ЖАЗУУЧУ КАЧКЫН ОТОРБАЕВДИ АКЫРКЫ САПАРГА УЗАТУУ...

Оторбаев Түгөлбек (Качкын Оторбаев, Түгөлбек Турпан уулу)
Белгилүү акын Оторбаев Түгөлбек (Качкын Оторбаев, Түгөлбек Турпан уулу) бүгүн 82 жаш курагында дүйнө салды.
Ал Жумгал районунун Багышан айылында 1942-жылы 15-июлда туулган. 1959-жылы Чаек орто мектебин, 1964-жылы Фрунзедеги политехникалык институтунун механикалык факультетин ийгиликтүү аяктап, автомобиль транспорту боюнча инженер-механик деген кесипке ээ болуп, Фрунзедеги 1-жүргүнчүлөр автопаркында механик болуп 1965-жылга чейин иштеген.
1965–1966-жж. жүргүнчүлөр автотрестинде бөлүм башчы, 1966–1969-жылдары Панфилов районундагы автобазанын башчысы, 1969–1977-жылдары Жумгал районунун автоба-занын жетекчиси, 1978–1991-жылдары Кант районундагы жүк ташуучу автобазанын директорунун орун басары, 1991–1992-жылдары Кант районунун жүргүнчүлөр автобазасынын директору, 1992-жылдан Мамлекеттик техникалык инспекциясынын Бишкек шаардык бөлүмүнүн башчысы болуп иштеген.
2010-жылы Бишкек шаарынын “Ардактуу атуулу” наамын алган.
1955-жылы Жумгал районунун «Социалисттик мал чарба» деген гезитине «Почтальон Токтосун» деген биринчи ыры жарык көргөн. Кийин райондук, республикалык гезит-журналдарга макалалары, ырлары жарык көрүп, 1962-жылдан «Чалкан» журналына сатиралык ырлары басылып турган.
2003-жылдан бери Кыргыз Республикасынын Жазуучулар союзунун мүчөсү.


2003-жылдан Кыргыз Республикасынын Жазуучулар союзунун мүчөсү.
Жарык көргөн китептери
Кыргыз тилинде
Жумгал дастан: Ырлар, санжыра, айтыш, поэма, очерк, новелла, эссе. 1-т. – Б.: Бийик-тик, 2002. – 495 б.
Жумгал дастан: Ырлар, санжыра, айтыш, поэма, очерк, новелла, эссе. 2-т. – Б.: Бийик-тик, 2002. – 439 б.
Жумгал дастаны: Ырлар, санжыра, айтыш, поэма, очерк, новелла, эссе. 3-т. – Б.: Бийиктик, 2002. – 527 б.
Мидин минткен экен (1-китеп): Ырлар, экспромт сөздөр, сатира. – Б., Учкун, 2006. – 317 б.
Мидин эл арасында: Ырлар, экспромт сөздөр – Б.: Турар, 2008 – 320 б.