Скачать или смотреть មុនសម្រេចចិត្តខ្ចីកម្ចីរយៈពេលវែងគប្បីពិនិត្យលើ ៣ ចំណុចនេះ!!!

ជាទូទៅកម្ចីដែលមានរយៈពេលខ្លី ធ្វើអោយយើងចំណាយតិចលើការប្រាក់ជាងកម្ចីរយៈពេលវែង ក៏ប៉ុន្តែវាទាមទារអោយបង់ប្រចាំខែច្រើនជាងកម្ចីដែលមានរយៈពេលវែង។ ក្នុងលក្ខខណ្ឌដែលចំណូលរបស់យើងមានកំណត់ ដើម្បីឈោងចាប់ឱកាសវិនិយោគណាមួយ តម្រូវអោយយើងចាប់ផ្តើមស្នើកម្ចីក្នុងរយៈពេលវែងជាបណ្តោះអាសន្ន បន្ទាប់មកយើងនឹងធ្វើការប្តូររយៈពេលកម្ចីមកខ្លីវិញនៅពេលស្ថានភាពចំណូលរបស់យើងអំណោយផល។ នៅក្នុងលក្ខខណ្ឌនេះ លោកអ្នកគប្បីពិនិត្យលើលក្ខខណ្ឌ ៣ របស់អ្នកផ្តល់កម្ចី មុននឹងធ្វើការសម្រេចចិត្តស្នើកម្ចីរយៈពេលវែងដូចខាងក្រោម៖
១. លក្ខខណ្ឌរំលស់ដើម៖ ដើម្បីកាត់បន្ថយចំណាយលើការប្រាក់ រំលស់ដើមគឺជាវិធីមួយក្នុងចំណោមវិធីដ៏ទៃទៀត។ ចំណុចមួយចំនួនដែលត្រូវមើលគឺ តើមានពិន័យលើការបង់រំលស់ដើមដែរឬទេ? តើការរំលស់ដើមអាចចាប់ផ្តើមបាននៅពេលណា? ហើយអាចរំលស់ច្រើនបំផុតចំនួនប៉ុន្មាន?
២. លក្ខខណ្ឌផ្លាស់ប្តូររយៈពេលកម្ចី៖ ដោយសារលក្ខខណ្ឌចំណូលរបស់លោកអ្នកអាចនឹងប្រែប្រួលក្នុងរយៈពេលខាងមុខ ដូច្នេះលក្ខខណ្ឌផ្លាស់ប្តូររយៈពេលកម្ចីគឺជារឿងសំខាន់ ព្រោះលោកអ្នកអាចនឹងស្នើបន្ថយរយៈពេលខ្ចីនៅពេលដែលលក្ខខណ្ឌចំណូលរបស់លោកអ្នកប្រសើរឡើង។ ចំណុចមួយចំនួនគប្បីត្រូវមើលគឺ តើយើងអាចធ្វើការផ្លាស់ប្តូរកាលវិភាគ ឬកែប្រែរយៈពេលខ្ចីបានដែរឬទេ? តើការផ្លាស់ប្តូររយៈពេលកម្ចីមានគិតថ្លៃសេវាបន្ថែមដែរឬទេ? បើគិតតើចំនួនប៉ុន្មាន?
៣. លក្ខខណ្ឌបង់ផ្តាច់មុនកាលកំណត់៖ ជាធម្មតាកម្ចីដែលមានរយៈពេលវែងតែងមានលក្ខខណ្ឌហាមឃាត់ ដែលមានរយៈពេលចាប់ពី ១ខែ ទៅដល់ ៦០ខែ តាមស្ថាប័ននីមួយៗ។ លោកអ្នកគប្បីពិនិត្យលើចំណុចមួយចំនួនដូចជា រយៈពេលនៃការហាមឃាត់ និងចំនួនប្រាក់ពិន័យ។
#firstfinance
#micromortgageincambodia
#កម្ចីទិញផ្ទះ #កម្ចីសាងសង់ផ្ទះ #កម្ចីជួសជុលផ្ទះ #កម្ចីទិញដី #កម្ចីអាជីវកម្ម #កម្ចីអចលនទ្រព្យធានា
Facebook Page First Finance:   / firstfinance  
Website First Finance: https://www.firstfinance.biz/
YouTube Channel First Finance:    / @firstfinanceplc1  
Telegram First Finance: https://t.me/firstfinancecambodia
LinkedIn First Finance:   / firstfiance