Скачать или смотреть PANTALA BHAGYULU / పంటల భాగ్యులు వీరా / AAV EPISODE 22 / MUKUNDA PRAVEEN /

pantala bhagyulu veera bahu vyavasayulu
( ANNAMAYYA AKSHARA VEDAM EPISODE - 22 )
( *అన్నమయ్య అక్షర వేదం ..సంపుటి -- 22*)

( పంటల భాగ్యులు వీరా బహు వ్యవసాయులు )

🙏 ఓం నమో వేంకటేశాయ. 🙏

అందరికీ శుభోదయం --- మీ వేణుగోపాల్

అన్నమయ్య అక్షర వేదం ..సంపుటి -- 22 కి శుభ స్వాగతం .. ✍️✍️మీ వేణుగోపాల్

ఈ లోకములో మన అందరి ఆకలినీ తీర్చటానికి , తన ఆకలిని సైతం లెక్కచేయక ,ఆరుగాలం వ్యవసాయం చేసి నవధాన్యాలను పండించి మనకి అందించే కృషీవలుడు అన్నదాత అయిన రైతు .🙏

ఏరువాక పున్నమి నాడు ఎడ్లనూ ..నాగలిని ..భూమితల్లినీ పూజించి ..పోలము పనులు మొదలుపెట్టి అహోరాత్రులు శ్రమిస్తేనే కదా మకర సంక్రాంతి నాటికి పంట భాగ్యము చేతికి అందేది.🙏

రైతు చేసే వ్యవసాయము .....మరియూ ..భక్తి మార్గము ... రెండూ ఒకే రకమైనవిగా చెపుతూ ...వాటి మధ్య సారూప్యమును చక్కగా వివరిస్తున్నారు అన్నమయ్య ఈ కీర్తనలో..🌺

వ్యవసాయులు చేనుని కాపాడుకుని శ్రమించేది పంట కోసము అయితే ...భక్తుల ప్రయత్నమంతా ఆ పరమాత్ముని ఉనికిని గ్రహించే మోక్షమనే పంట కోసం ...🌺

భక్తి మార్గమనే వ్యవసాయములో ..ముందుగా మన మనసులలో ఆది నుంచీ కూడగట్టుకున్న అనేక పాపపు భావములనే
పోడును సమూలముగా శుభ్రపరుచుకోవాలి . ( పోడు ---పిచ్చి మొక్కలు ,భూమిలో ఉండిపోయిన పూర్వపు పంట వేరు మొదళ్ళు )🌺

అలా శుభ్ర పడిన చిత్తమనే చేనును ...ఇప్పుడు సుజ్ఞానపు ఆలోచనలతో బాగా పదునుగా దున్ని ..🌺
శాంతి అనే చిరుజల్లు వానతో ..చిత్తపు చేనుని బాగా తడిపి
విత్తనము వేయుటకు అనువుగా తయారు చేసుకుంటారు భక్తులు .🌺

భక్తి వ్యవసాయానికి అనువుగా తయారయిన ఈ చిత్తపు చేనులో... ఇప్పుడుకదా ...హరి భక్తి అనే విత్తనము నాటితే మొలకెత్తి వృధ్ధి చెందగలిగేది.🌺

పసిడి చిగురులు వేస్తూ పెరుగుతున్న ఈ మొలకలతో పాటే ,
కామ క్రోధములు వంటి ఆరు రకములు అయిన కలుపు మొక్కలు కూడా పెరుగుతూ సుజ్ఞానపు పంటను బలహీన పరుచును. వాటిని ఎప్పటికప్పుడు తవ్వివేసి చిత్తపు చేనులో పెరగనివ్వరు వివేకులయిన అయిన భగవత్ భక్తులు.🌺

కలుపులేని చేనుకు ఇప్పుడు వైరాగ్యమనే వెలుగును అందించి బాగా పెరగనివ్వాలి.🌺

మనసు లో పెరుగుతున్న జ్ఞానపు పైరుకు ఎరువులుగా
సదాచారములు, సత్సాంగత్యము, వంటివి అందించి ఏపుగా పెరుగునట్లు చేయవలెను కదా.🌺

శ్రీ వేంకటేశుడు సర్వాంతర్యామి గా అన్నిటా ఉన్నాడు అన్న భగవంతుని ఉనికి గ్రహించ గలగటమే ,ఇప్పటివరకు శ్రమించినదానికి ఫలితముగా అందిన అపురూపమైన దివ్యమైన చిత్తపు చేను పంట ఈ సుజ్ఞానము.🌺

ఆట్టి పంటను అందుకున్న కృషీవలులు ఎంత భాగ్యులో
కదా..🙏
అట్టి భాగ్యవంతులు గురుకృపతో ...శరణాగతులందరికీ అండగా ఉంటూ మోక్షపు మార్గమును బొధిస్తూ ,శ్రీ వేంకటేశుని దరిచేరునట్టు అనుగ్రహించెదరు .🙏

తాత్పర్య సహిత దృశ్య మాలికగా మీకు అందించాలన్న
నా చిన్న ప్రయత్నమును ఆశీర్వదిస్తారని ఆశిస్తూ..
దోషములున్న...మన్నించమని విన్నపము...🙏

అన్నమయ్య అక్షర వేదం --- సంపుటి 22 )
--✍️✍️ మీ వేణుగోపాల్

🌺🌺 సంకీర్తన 🌺🌺

పంటల భాగ్యులు వీరా బహు వ్యవసాయులు
అంటిముట్టి యిట్లఁ గాపాడుదురు ఘనులు

॥చ1॥పొత్తుల పాపమనేటి పోడు నఱకివేసి
చిత్తమనియెడు చేను చేనుగా దున్ని
మత్తిలి శాంతమనే మంచివాన వదనున
విత్తుదురు హరిభక్తి వివేకులు

॥చ2॥కామక్రోధాదులనే కలువు దవ్వివేసి
వేమరు వైరాగ్యమనే వెలుఁగు వెట్టి
దోమటి నాచారవిధుల యెరువులువేసి
వోముచున్నారు జ్ఞానపుఁ బై రుద్యోగజనులు

॥చ3॥యెందు చూచిన శ్రీవేంకటేశుఁ డున్నాఁడనియెడి-
అందిన చేని పంట లనుభవించి
సందడించి తమవంటి శరణాగతులుఁ దాము
గొంది నిముడుకొందురు గురుకృప జనులు