伊秋水唸喃巫

伊秋水為狼狗 Bobby 唸喃巫，音容宛在，輓聯：「衹望百年同相聚；誰知半路兩分離！」羅細鉗 燒金銀、溪錢、衣紙。

伊秋水所唸的道教喃巫內容：

奉案爐點起呢，無為道德香。仰天您在，啟首拜中。唉！今有波比（Bobby）狼狗（wolf dog），養到佢會行會走；養到佢擺尾搖頭。餐餐食牛（beef），個腦是心是友。日來同餐；晚來同竇。點知波比（Bobby）響人間未久，佢都未曾成精（monster）；又冇拖友，伸直對腳呢，去俊叔處攞豆，啊…！狗呀！可憐一家大細，為佢喊到作嘔。就係慌住佢嘅靈魂響陰司亂走，黃沙漠漠，好易摸錯門口，我特來超渡，等你攤攤唞唞，波比（Bobby），阿波比（Bobby），您喺陰間慢行慢走，望您來生再世，又再變狗，好似做人，跟尾看門口呢，我冇車大砲呢，您要噏頭呢。唉！波比（Bobby），波比（Bobby），您成日話太細年紀，都唔願去死。但係人畜一樣，都難免一死。您死在人間，陽間呢就有人愛您。陰間下面呢，就冇人愛您噃。您千祈見神見鬼，您要眉精目企，咪鬆毛鬆翼，趷起條尾。成個爛渣呢，就鬆眼鬆鼻，至怕飛起隻鬼腳，您就死多一死。所以您喺陰曹下面，您幾大死裝紮起，咁就來生有望您再食牛脾啦。哈……！一條路仔就直彎彎呢，您去時容易呢，就轉歸難。路上有狗乸千千萬，您咪鬆起個狗鼻，又想索番餐。陰司嘅法律唔係浮浮泛，條條正大呢，都唔您逞蠻，行雷閃電，又落雨霏，要擔遮戴帽，您都唔使嚟，您蕩錯入過狗籠，您就棹忌，佢買定啲南乳，您就悲，佢叫埋嗰個阿成來調理，將您拆骨呢，尤煎皮。哦！狗頭掛起，您就嗚哈哈！喺陽間跟住個老細，您有額水扒，呢啲因果，講起就令人怕，您癲性一發，真係咬親都瓜，點解跟人個尾後，您就咁阿咋？到頭報應呢，都係以牙還牙呀！打天磚！唉！西方（west）屬土（西方應屬「金（metal）」；中央才屬「土（earth）」）；南方（south）屬火（fire），唧唧如律令，冥釘，深釘，釘…釘…。哎吔！有釘，冇釘，我當佢懵盛盛，定頂釘釘；定頂釘釘，定頂定。阿成同阿丁；阿丁同阿鼎；阿鼎同阿丁；阿丁同阿成。唉！唧唧如律令，唉………！