Скачать или смотреть Rashtriy hit :-उपमुख्यमंत्री एकनाथ शिंदे यांच्या उपस्थितीत स्वामित्व योजनेच्या प्रॉपर्टी कार्ड वितरण

Rashtriy hit :-ठाणे जिल्ह्यातील जिल्हा नियोजन समितीच्या सभागृहात उपमुख्यमंत्री एकनाथ शिंदे यांच्या उपस्थितीत स्वामित्व योजनेच्या प्रॉपर्टी कार्ड वितरण कार्यक्रमाचे आयोजन करण्यात आले. या कार्यक्रमात पंतप्रधान नरेंद्र मोदी यांनी ऑनलाइन माध्यमातून देशभरातील ५० हजार गावांमधील ६५ लाख ग्रामस्थांना प्रॉपर्टी कार्डचे वितरण केले.

उपमुख्यमंत्री शिंदे यांनी आपल्या भाषणात हा दिवस महाराष्ट्र आणि देशासाठी ऐतिहासिक असल्याचे सांगितले. स्वामित्व योजनेमुळे जागेची हद्द, घरांची हद्द आणि सीमांकन याबद्दलचे वाद संपुष्टात येतील, तसेच प्रत्येकाला मालकी हक्क मिळेल, असे त्यांनी नमूद केले. प्रॉपर्टी कार्डमुळे नागरिकांना बँक कर्जे मिळविणे सुलभ होईल आणि अनेकांनी या सुविधेचा वापर करून व्यवसाय सुरू केले आहेत. शिंदे यांनी पूर्वीच्या सरकारांवर टीका करताना म्हटले की, ५०-६० वर्षे काँग्रेसचे सरकार होते, ज्यांनी देशातील लोकांना वंचित ठेवले; परंतु पंतप्रधान मोदी यांनी अनेक योजना सुरू करून गावांच्या समृद्धीला चालना दिली आहे. गाव समृद्ध झाले की देश समृद्ध होतो, म्हणून देशाचा विकास गावांपासून सुरू करायला हवा, असेही त्यांनी अधोरेखित केले. स्वामित्व योजना लोकांसाठी संजीवनी ठरेल, अशी अपेक्षाही शिंदे यांनी व्यक्त केली.यावेळी खासदार नरेश म्हस्के, आमदार संजय केळकर, जिल्हाधिकारी अशोक शिनगारे, व इतर मान्यवर पदाधिकारी, शासकीय अधिकारी कर्मचारी, जिल्ह्यातील लाभार्थी शेतकरी, उद्योजक नागरिक बंधू भगिनी मोठ्या संख्येने उपस्थित होते.