Скачать или смотреть આ યુવાનનાં તબેલામાં હરિયાણાની મુરા નસલની ભેંસ, એક ભેંસની આટલી કિંમત

જૂનાગઢ : સૌરાષ્ટ્રમાં વધુ પ્રમાણમાં જાફરાબાદી ભેંસ જોવા મળે છે. જૂનાગઢ જિલ્લામાં અનેક ખેડૂતો પાસે જાફરાબાદી ભેંસ છે. પરંતુ જૂનાગઢ જિલ્લાનાં વંથલી તાલુકાનાં ધંધુસર ગામનાં માલદેભાઇ દિવરાણીયા પાસે હરિયાણાની મુરા નસલની બે ભેંસ છે. માલદેભાઇએ આ ભેંસની ખરીદી હરિયાણાથી કરી હતી. ત્યારે એક ભેંસ 1.42 લાખ અને બીજા ભેંસ 1.47 લાખની આવી હતી. આજે આ ભેંસની કિંમત 2.25 લાખ કરતા વધુ છે. તેમજ આ ભેંસોએ અત્યાર સુધીમાં ચાર પાડીઓને જન્મ આપ્યો છે.

ધંધુસરનાં માલદેભાઇ દિવરાણીયાએ આઠ ધોરણ સુધી અભ્યાસ કર્યો છે. તેમની પાસે ત્રણ વીઘા જમીન છે. જેમાંથી એક વીઘામાં તબેલો બનાવ્યો છે. ભેંસની ખરીદી માટે કચ્છ સહિત જુદા જુદા જિલ્લામાં ફરિયા હતાં. પરંતુ યોગ્ય ભેંસ પસંદ આવી ન હતી. બાદ હરિયાણાનાં મિત્રને મળ્યાં હતા અને હરિયાણાથી બે ભેંસની ખરીદી કરી હતી.

માલદેભાઇ હરિયાણાથી વર્ષ 2018માં ભેંસ લાવ્યા હતાં. એક ભેંસની કિંમત 1.42 લાખ રૂપિયા અને બીજી ભેંસની કિંમત 1.47 લાખ રૂપિયા હતી. બન્ને ભેંસની ખરીદી કર્યાં બાદ પાંચ વર્ષે વળતર શરૂ થયું છે. હાલ આ ભેંસોની કિંમત 2.25 લાખ કરતા વધુ છે. છ થી લઇને 10 લિટર દૂધ આપે છે.

સૌરાષ્ટ્રમાં જાફરાબાદી ભેંસનો બોલબાલા છે. તેમજ હરિયાણામાં મુરા નસલની ભેંસની બોલબાલા છે. પરંતુ હરિયાણામાં ભેંસની ખરીદી કરવામાં કાળજી રાખવી પડે છે. આ ભેંસ સારું દૂધ આપે છે. અત્યાર સુધીમાં ચાર પાડીને જન્મ આપ્યો છે.

સામાન્ય રીતે ઘણી ભેંસો ગાભણ થયા બાદ દૂધ આપતી નથી. પરંતુ હરિયાણાની મુરા નસલની ભેંસ ગાભણ થયા બાદ એક મહિનો દૂધ આપે છે. માલદેભાઈ દિવરાણીયા 40 જેટલા પશુઓનો હાલ નિભાવ કરી રહ્યા છે. જેમાં 2 પાડા, 10 ભેંસ, 18 નાના ખડેલા, 1 ગાય, 6 પાડીનો સમાવેશ થાય છે.






ન્યૂઝ18 લોકલ એ એક હાઇપરલોકલ પ્લેટફોર્મ છે, જ્યાં તમને જિલ્લાઓના તાજા સમાચાર અને વીડિયો ગુજરાતી ભાષામાં પ્રાપ્ત થશે. ન્યૂઝ18 લોકલમાં તમને તમારી આસપાસ બનતા બનાવો, નાગરિકોને પડતી મુશ્કેલીના સમાચાર, વિવિધ ઉપયોગી માહિતી, તહેવારોની મહિતી, અભ્યાસ, નોકરીની તકો, વિવિધ જાહેરાત, સાફલ્ય ગાથા, તમારી આસપાસના ઐતિહાસિક તેમજ પ્રવાસન સ્થળોની માહિતી મળશે.

Follow us @

  / news18gujarati  
  / news18gujarati  
  / news18gujarati