جزاع المري | للوسم وحشه | (حصرياً) 2022

جديد

#للوسم_وحشه


كلمات : عليان الجهني
اداء : جزاع المري
تصميم : خالد الحربي

تم اعتماد اجازتي يالمناعير
تولمو نبغى نشد الرحالي

القيض راح وحان وقت المظاهير
والبدو شدو واصبح العد خالي


والهجن بالمضمار جتله تحاضير
وسهيل له خمسين صبح يلالي


مرت علينا ايام من حروة الطير
وشاعت علوم الطرح في كل جالي


هذا طرح حر والاخر طرح جير
واحدٍ طرح له نادر الوصف غالي


متى نشوف بروق مزن مزابير
بأول قدوم المنخفض من شمالي


متى على الله يرزمٍن البواكير
ويطيح وسم من حقوق الخيالي


وفي فترة الوسمي تجينا التباشير
باللي تراكم غرب مثل الجبالي


ياخالد آل زعاق مسيت بالخير
الوسم كم باقي بوقته ليالي


اعلن ترى للوسم وحشه وتقدير
لوكان مالي مع هل البل حلالي


احب شوف النادرات المغاتير
في وسط روض كن عشبه زوالي


عشت العمر في البدو من يومي صغير
البدو هم ودروبهم سقم حالي


شاعر واصخر شرد الافكار تصخير
ياتن عسايف عقب ماهن جفالي


اروض الصعبات وأحث وأغير
لو كان وقتي غالبه ماصفى لي


اخذت بالدنيا دروس وتعابير
والطاعه لمولاي هي راس مالي


ربي خلقني من عدم بأمره اسير
ولياطلبته حاجة لي عطا لي



برامج التواصل الاجتماعي

  / gzs13eyd  

https://www.tiktok.com/@jaza3_1?_t=8X...