Скачать или смотреть សូមជ្រះថ្លាអនុមោទនា ពិធីបុណ្យពិសាខបូជាពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា

ដោយតេជានុភាព នៃការប្រារព្ធរៀបចំទិវាវិសាខបូជា ដែលព្រះសាសនមុនី ព្រះរាជាគណៈ ព្រះថេរានុត្ថេរៈ អគ្គមហាឧបាសិកា មហាឧបាសក មហាឧបាសិកា ឯកឧត្តម លោកជំទាវ លោកឧកញ៉ា អ្នកឧកញ៉ា មន្ត្រីរាជការ លោក លោកស្រី ឧបាសក ឧបាសិកា និងពុទ្ធបរិស័ទ ជ្រះថ្លាក្នុងគុណព្រះរតនត្រ័យ មានការអារាធនាយាងព្រះបរមសារីរិកធាតុ ដង្ហែចេញពីមហាសុគន្ធកុដិប្រទក្សិណឆ្ពោះមកកាន់ព្រៃធុតង្គ មកតម្កល់ប្រតិស្ថាននៅមុខទីលានព្រះអង្គធំ នាវរោកាសនេះ ដើម្បីបូជាវេរថ្វាយដោយគ្រឿងសក្ការៈទាំងឡាយមាន៖ ផ្កាកម្រង គ្រឿងក្រអូប ប្រទីបជ្វាលា បង្ហោះគោម ប៉ាញ់កាំជ្រួច បូជាថ្វាយព្រះរតនត្រ័យ និងព្រះបរមសារីរិកធាតុ ជាពិសេសបូជាដោយធម្មសក្ការបដិបត្តិ និងប្រទានធម្មទេសនាដោយៈ ព្រះធម្មត្ថេរោ ហ៊ឹម ប៊ុនធឿន ដើម្បីបានជាទិដ្ឋានុគតិធម្មទានក្នុងថ្ងៃវិសាខបូជាដ៏វិសេសវិសាលនេះ ។គណៈគ្រប់គ្រងពុទ្ធមណ្ឌលវិបស្សនាធុរៈ សូមថ្លែងអំណរគុណ ដល់អគ្គមហាឧបាសិកា ព្រមទាំងបុត្រ និងចៅ មហាឧបាសក មហាឧបាសិកា ឯកឧត្តម លោកជំទាវ លោកឧកញ៉ា អ្នកឧកញ៉ា លោក លោកស្រី ឧបាសក ឧបាសិកា ដែលបានជួយឧបត្ថម្ភជាសម្ភារៈមាន៖ ចង្ហាន់ ភេសជ្ជៈ អំពូលភ្លើង កាំជ្រួច ប្រេង គោម និងថវិកា ក្នុងពិធីបុណ្យវិសាខបូជានេះ សូមទទួលបាននូវឧត្ដមមង្គលពរទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ, អវសានជាតិ សូមបានជាបច្ច័យត្រាស់ដឹងនូវធម៌ រួចចាកទុក្ខទាំងពួង ។
ថ្វាយ-ប្រគេន-ជូនបុណ្យធម្មមិត្តគ្រប់រូប ! សូមអនុមោទនា ! សាធុ សាធុ សាធុ !
—————————
ពុទ្ធមណ្ឌល,ថ្ងៃពុធ ១៥ កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២២ ខែឧសភា ឆ្នាំ២០