足本版︱咖喱黃雅慧專訪︱《造星》遺珠 靚女醫生咖喱出道靠自己︰會驚會擔心㗎！(

女團COLLAR早排成軍出道，聲勢浩大。被網民喻為「最美醫生」的咖喱，雖然早已被foul，無緣成為一員變遺珠，但其初衷不變，並帶着戰戰兢兢心情一闖娛圈。「擔心㗎，自己發展雖然係難，但都盡力試下。」

她，不是第一次跟女團擦身而過。17歲那年，有唱片公司透過跳舞學校物色人選，跳得又樣靚的咖喱曾被游說組女團。
「當時對跳舞最狂熱嘅時候，又有啲表演慾，可以為跳舞廢寢忘餐。當時有人經跳舞老師問過我有冇興趣組女團。

「最後我決定唔去，因當時咁啱屋企出咗問題，加上我唔知女團係點，我係鍾意唱歌跳舞，但又有啲擔心娛樂圈唔知係咩一回事，唔敢踏出呢一步。」沒有加入的女團，最後組成嗎？「最後好似有組成，但我唔知係邊團。」放棄了，就索性截斷好奇。

【為父從醫棄追夢】
她口中的家庭問題，是至親一個一個患病，先是公公，之後到爸爸數度中風，又通過波仔，父母經營藍芽產品小生意，隨着父親病倒結業。
「爸爸中風前，我仲考慮緊繼續讀書定做dancer，我係偏向dancer發展，但發生爸爸件事，我就揀讀書，因為唔想加重家人擔心，當時媽媽都擔心緊爸爸，我唔想佢再為仔女入娛樂圈擔心。」

喜歡化學的咖喱，揀了醫科，為家人而讀。「睇得多家人離開、生死、俾病痛折磨，我就諗讀醫科係好有意義，至少知道發生咩事，唔係坐喺度乜都做唔到，幫唔到。」咖喱曾經目睹公公動脈瘤突然爆裂，在家昏迷，她慌張地call白車將他送院搶救，「佢喺屋企出事，我喺度我見到，然後我call白車送佢入院…我讀醫原意係想保護我屋企人。」公公過身，加重她讀醫的決心。

【一份內疚 跳舞一停十年】
讀醫科，舞一停十年，除為專心讀書，亦因一份內疚。
「嗰次爸爸中風，家人call咗我好多次，我都冇聽到，因為當時練緊舞。之後知道佢入咗院，我好擔心、 有內疚，怪自己做乜掛住跳舞，冇接到電話。所有嘢都係學習，當刻發現自己真係太少時間俾家人。」
在公立醫院實習初期，常偷偷為病人哭，及經歷冇力感……

請支持訂閱《娛壹》Patreon閱讀全文及睇足本片︰  / 61574275  

#娛壹
-------------------------------------
即刻跟住Follow 晒我哋Channel：
FB：http://fb.me/as1hk.entertainment
IG：  / as1.entertainment  
YT：   / @as1.entertainment