Скачать или смотреть როგორ აშუქებს მედია წინასაარჩევნო გარემოს - კვლევის პირველადი შედეგები

როგორ აშუქებს მედია წინასაარჩევნო გარემოს - კვლევის პირველადი შედეგები ცნობილია. მონიტორინგის ავტორები არიან "ჟურნალისტური ეთიკის ქარტია"," ინტერნიუს საქართველო" და სამოქალაქო განვითარების ინსტიტუტი.

გასულ წლებთან შედარებით, სურათი გაუმჯობესებულია, თუმცა მონიტორინგში მონაწილე 3 არასამთავრობო ორგანიზაციას მაინც აქვს შენიშვნები და რეკომენდაციები.

კვლევის თანახმად, დაკვირვების ქვეშ მყოფი 11 სატელევიზიო არხის მთავარი პრობლემა დაუბალანსებელი ინფორმაციაა, ასევე დიდი დრო ეთმობა მთავრობის აქტივობების გაშუქებას, შედარებით ნაკლები პრეზიდენტის აქტივობას.

კვლევაში საუბარია 12 რადიომაუწყებელზეც, რომლის მუშაობაც დადებითადაა შეფასებული, თუმცა რეკომენდაციაა ანალიტიკური სიუჟეტების მომზადების აუცილებლობაზე.

რაც შეეხება ბეჭდურ და ონლაინ მედიას, სამოქალაქო განვითარების ინსტიტუტი ჟურნალისტების მხრიდან პოლიტიკური სუბიექტების მიმართ შეურაცხმყოფელი ტერმინების გამოყენებაზე მიუთითებს.

დაკვირევბის ობიექტები ის მედიასაშუალებები იყვნენ, რომელთაც ყველაზე მაღალი რეიტინგები გააჩნდათ. მონიტორინგის ქვეშ იყო 40-ზე მეტი მედიასაშუალება.