საპროტესტო აქცია პარლამენტთან

პროტესტის 17-ე დღე - რუსთაველის გამზირი კვლავ მოვლენების ეპიცენტრია. მომიტინგეების ნაწილი პარლამენტთან დილიდან შეიკრიბა, რათა პარლამენტში მიმდინარე საპრეზიდენტო არჩევნები გაეპროტესტებინა. რუსთაველის გამზირზე მოეწყო სხვადასხვა ტიპის პერფორმანსი, მიტანილი იყო დიპლომები და საფეხბურთო ატრიბუტიკა. დღის განმავლობაში ქალაქის სხვადასხვა ლოკაციიდან მოეწყო სხვადასხვა სფეროს წარმომადგენელთა მსვლელობა. საბოლოოდ მოქალაქეთა ჯგუფები პარლამენტის შენობასთან შეიკრიბნენ.

აქციაზე დღეს ორჯერ გამოჩნდა სალომე ზურაბიშვილი. პროტესტის მონაწილეთა მოთხოვნები უცვლელია - ჩატარდეს ხელახალი საპარლამენტო არჩევნები, დაუბრუნდეს ქვეყანა ევროპულ კურსს და გათავისუფლდნენ აქციებისას დაკავებული პირები. იმის გამო, რომ რუსთაველის გამზირზე დილიდან პროტესტი უწყვეტად მიმდინარეობს, თბილისის მერიამ ნაძვის ხის ანთების დღეს დაგეგმილი ღონისძიება გააუქმა. მოგვიანებით ეს გადაწყვეტილება საახალწლო ღონისძიებაზე მისულ მოქალაქეთა ნაწილს მამუკა მდინარაძემ პირადად გააცნო და დაშლისკენ მოუწოდა.

რუსთაველის გამზირზე დილიდან მუშაობს „მოამბის“ რამდენიმე გადამღები ჯგუფი და ანა ბროლაძე შემოგვიერთდება ახლა პირდაპირ ეთერში.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.