PALAT SHITENG NA KI NONGSHONG SHNONG KA EAST TIMOR KI SHIM BYNTA HA KA MASS BAKHUID U POPE FRANCIS

PALAT SHITENG NA KI NONGSHONG SHNONG KA EAST TIMOR KI SHIM BYNTA HA KA MASS BAKHUID U POPE FRANCIS
Palat 6 lak ngut ki paid Katholik na ka ri bathymmai tam ha ka pyrthei East Timor, ki la lum bung-lym-bung ha nongbah Dili ha ka 10 tarik Nailur ban shim bynta ha ka Mass Bakhuid ba la pynmynta da u Pope Francis, u nongmihbujli ia u Petrus Bakhuid kum u khliehduh jong ka Balang ha kane ka por bad ka juk mynta. Ka East Timor ka la ioh ia ka jinglaitluid na ka jingsynshar jong ka ri Indonesia ha ka 20 Jymmang, 2002.
Naduh 1 baje shiteng synia ki paidbah ki la tuid sha ka madan ban shim bynta ha ka Mass Bakhuid jong u Pope Francis ha ka jingwan jngoh bad wan iuhkjat jong u ha ka sien banyngkong ha kane ka ri. Ka jingshit kyrang ka sngi ha kane ka jaka ka la poi haduh 32 degree Celsius ha ka por ba la pynlong ia ka Mass Bakhuid, hynrei ki paidbah ki la shongkhop khlem khih ha la ki jaka shong bad ki la rwai shongshit bad shitrhem ha la ki jong ki jong ki ktien ki thylliej.
Haba u Pope Francis u la rung ha kane ka madan, ki paidbah ki la rwai bad khublei kaweh kti da ka jingkmen kaba khraw. Ki lama Vatican bad jong ka East Timor, ki la kaweh bad pynphuh sawdong kane ka madan.
U Rev Phadar Pedro Amaral u la wan ialam haduh 800 ngut ki parabangeit Katholik na ka Parish jong u kaba jngai 140 Km ban ioh bynta ha kane ka Mass Bakhuid bad ialade un pynmynta lang ia ka Mass bad u Pope Francis halor ka duwan ha kane ka madan. Ka East Timor ka don 1.3 millian ki nongshong shnong bad ki Katholik ki don ym duna ia ka 96%. Ka jingpoi ki paidbah ha kane ka jinglehniam ka la long kaba heh tam ha ka jingiaid pilkrim jong u Pope Francis ha kane ka kynti.
Haduh 102,800 ki briew jong ka East Timor ki la khyllem ha ka jingialeh laitluid bad ki shah pyniap ha ki shipai Indonesia naduh u snem 1975-99. U Pope Francis u la iaroh ia ka jingkhie-im biang kane ka ri, da ka jingroi bun ngut ki khun ki kti ki longiing longsem. Mynta ka East Timor ka kmen, ka phuh samrkhie bad ka ithiang ka dur ka dar da ka jingroi jong ki khyllung khynnah, ki samla lud bad byllai kyrhai ki khun samla shynrang bad kynthei, u la ong. U Pope John Paul II u la long u radbah ban pynioh ia ka jinglaitluid ha kane ka ri. Katba u Pope Francis u long uba nyngkong ban wanjngoh ia ka East Timor, ka rib a laitluid ha kane ka bynta jong ka pyrthei.
Ha kane ka sngi 10 tarik Nailur, 2001 la soi ia ka Ain ban ai jinglaitluid ia kane ka ri bad kane ka sngi sah kynmaw ka dap thik mynta ka sngi 25 snem. U Pope Francis u la wan jngoh khnang ia kine ki ri khamtam ia ka East Timor ban pynskhem bad pynjylliew shuh shuh ia ka jingngeit Katholik hapdeng ki nongshong shnong jong kane ka ri.
Ki paid riew ngeit ki la kynjut kti, doh ieid ia ka sati mohor jong u, ki la kdup bad ktah ia ki jain phong jong u da ka jingieid kyrpang ia une u Nongmihkhmat jong u Petrus Bakhuid hangne ka pyrthei. U Pope Francis u la iakhynduh ia ki Bishop, ki Lyngdoh, ki riewniam bad ki nongialam napdeng ki paidbah kiba don ha kane ka ri, bad kyntu ia ki ban pynrhem ha ka jingngeit bad ka jingieid markylliang.
Na East Timor u Pope Francis un leit jngoh sa ia ka Singapore, kawei pat ka ri kaba rit tam ha ka pyrthei, hynrei kaba riewspah ha baroh ki liang ka ioh ka kot ha kane ka juk mynta. Na Singapore u Pope Francis un leit phai sha Vatican City, Rome ha ka 13 tarik Nailur hadien 12 sngi ka jingiaid lynti kaba jrong bad kaba jngai tam ha ka jingim jong u, nalor ba u la tymmen bad kynjoh 87 snem ka rta, bad u don ki shngieng ki shruh kiba la tor baroh shirynieng.
Peit ia ki program ba bun bah jong ka Don Bosco Media Network TV
1. Local Cable LCN Channel 279
2. YouTube Channel
3. OTT @ dbmnTv
4. Ha ka website: donboscoshillong.org

#Khuborjylla #khasinews #khuborkhasi #NewsFromMeghalaya​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #donboscomedianetwork #KSU #NEHU #Shillong #dbmnTv #Khubor #Shillong #donbosco #Samla #Youth

Follow us on:
Facebook: https://www.facebook.com/profile.php?...
Instagram:   / db_media_network_shillong