Скачать или смотреть شيلة : 🔥 دون غلبا ماتهاونا 🔥 || ‏كلمات : ‏خالد الماجد ‏|| أداء : ‏سلطان بن وندان

‏كلمات الشيلة :

‏من ثلاث أيام في بالي أبكتب لي قصيده
والقريحه من ثلاث أيام تشعفني معاها

مشتحن صدري من الضيقات وظروفي تزيده
كل فكره مرت فبالي يجرجرني غثاها

كن صدري لا زواه الشعر يقراله جريده
اتصفح ضيقة الايام واشرب من عناها

قمت ادور في فعول ابو بكر وابو عبيده
لين شفت اللحظه اللي يبرق ويرعد سماها

ودي اني كل ماغنيت قالو جا جديده
وودي انهم ينشدوني بالبيوت اللي وراها

شاعرٍ لا سل سيفه جاك ماخلى شريده
يتباها باسم ربعه وفي مواقيفه تباها

وقفته بتخلي الشعار تبقى عالحديده
وحبكته بتنومس الغلبا ليا سمعو صداها

من فعول ٍ تملي الميدان ماغنى نشيده
معتزل عن مجتمع حبك القصايد وشعراها

لين وقف قدم ابو فالح وابو فالح وليده
ساعة ٍ فيها المديري مايجنب لانواها

يا محمد والله انها من ليالينا السعيده
الكرام اللي ينومسنا ليا طرو نباها

اتنومس واتفاخر في سلالتك المجيده
من يدوّر خله يدوّر ولا دوّر لقاها

كن هاك العود يدّينه معادية ٍ رصيده
الكرامه مايطول شوفها لامن شراها

فيه دين وفيه حكمه وان وقف يكفي بديده
ومجلسه مضياف عز ٍ للجزيره واموراها

والله إن ماخاب ظني طيبه إن يلحق حفيده
ماتخيب الوقده اللي عودكم ضوا سناها

خل عاد عياله اللي في المواقيف الشديده
كل منهم يحتزم للكايده يطحن رحاها

فعلكم ياعيال فالح ماتجاهلنا زهيده
طيبكم من فضل ربي نعمة ٍ نشكر علاها

بين هات الكبش ذاك وبين هرش ٍ فك قيده
الرعايا في سراها والمعازيم لعشاها

كل مجد ٍ لانشدته قام يشر لك بإيده
للمديري.. زاهي ٍ في كل قمه لارقاها

دون غلبا ماتهاونا محازمنا جويده
مجدنا ماهوب صفحه والزمن قام طواها

فعلنا خلى الفعول الباقيه تبقى فقيده
والرجال الغانمه بفعولنا نكرم لحاها