صليحة : فوندو يا خيل سالم

كلمات الفوندو :


يَا خِـيـل سَـالـمْ بَـاشْ رَوَّحْـتُـولِي ***بَـانَـا وْجُــوهْ تْـقَــابْـلُـو قُـولُـــولِي

بَـــــــــاشْ لَـيَّ جِـيـــتُـو*** وَاشْ قُـولْـكُـمْ فِي الَّـذِي خَلـِّيـتُه
سَالِـمْ عْلَى الأعْـقَـادْ شَايِعْ صِيتُه*** يُـومْ البْرَازْ إِذَا صْـفَـنْ عَ الحُولِي

مَـاذَا ارْكِبْ مِنْ عُــودَه*** وُمَاذَا الْحَـقْ مِنْ شَــابَّـة خَنْدُودَة
تِـتْـزَعْـِوِطْ الأعْــراشْ مِـنْ بَـارُودَه***كَـوَّايْ فِي الفِرْسَـانْ بِالمَـفْـتُـولِي

مَـاذَا ارْكِــبْ مِـتْــــعَـنِّي *** دَايِـمْ عْلَى قَـرْنْ الْـجِـوَادْ يِـغَـنِّـي
مَآصْعَبْ فْـرَاقِـكْ يَا عْزِيـزِي حَنِّي*** مْـقَـابِيـسْ نَارِكْ مَا بْـغُوا يِـطْـفُـولِي

مَـاذَا ارْكِبْ مِنْ سَـاسَـه*** يُـومْ البْـــرَازْ مَـاذَا يِـبِـيــعْ براسه
إِذَا زَغْـرِطِتْ مَكْحُـولْ هَـذْبْ نْـعَـاسَـه*** تْـعَـيِّـطْ تْـنَـادِي وِيـنْهُـو مَـخْـلُـولِي

فِيكُومْـشِ مِنْ هُو نَــــــــاوِي*** فِيكُومْـشِ مِنْ هُو يِـرْكِـبْ الدرْنـَـاوِي
فِيكُومْـشِ مِنْ هُو عْلَى الكْـبَـرْ يِلاَوِي *** فَــتِّكْ عْـليـهْ مْـحَـبِّـــتِي وُوْصُـولِي َ

ما غـاضْـنِـيــشِ حَـالِي***ما غاضنيش فتن نهار مشالي
لَوْ كَــانْ قَـتْــلَـه حُـرْ دَمَّــه غَــالِي*** فَــتِّكْ عْـليـهْ مْـحَـبِّـــتِي وُوْصُـولِي
إعداد : علي السياري