ŞƏRİKLİ ÇÖRƏK FİLMİNİN SSENARİSİ PLAGİATDIRMI?

“Şərikli çörək” filminin ssenarisi plagiatdırmı? Çox maraqlı məqamlar var.
Filmin ssenari müəllifi Alla Axundovadır. Ancaq ssenarinin orijinal olmadığı, başqa bir ədəbi əsərdən götürüldüyü iddiaları var. Söhbət Bayram Həsənovun müəllifi olduğu “Çörək” povestindən gedir. Bayram Həsənov uşaqlar üçün hekayələri ilə tanınır. “Çörək” povestində hekayə eynilə “Şərikli çörək”dəki kimi İkinci Dünya Müharibəsində keçir. Burada yataqxanada qalan, yeməyə çörəyi belə olmayan gəncin başına gələnlərdən danışılır. O da ailəsindən uzaqdır. Bayram Həsənovun ailəsi iddia edir ki, “Şərikli çörək” məhz bu əsərdən götürülüb. Ancaq həmin əsər filmdən 17 il sonra, 1986-cı ildə çap edilib. Hərçənd müəllifin ailəsi deyir ki, əsər daha əvvəl yazılıb, sonra çap edilib. Məncə, kimin olmasından asılı olmayaraq, əla hekayə olduğu şübhəsizdir. Bəs siz necə düşünürsünüz?