Скачать или смотреть Sassoli ne Tirane: Negociatat pas metodologjise. OK paketes Anti-KCK|ABC News Albania

Presidenti i Parlamentit Europian, David Sassoli është i bindur që Shqipërisë duhet ti hapen negociatat nga Këshilli Europian sa më parë. Në konferencën me kryeministrin Edi Rama, Sassoli tha se disa pengesa në rrugën e Shqipërisë drejt BE-së përmes metodologjisë së re do të kapërcehen.

“Ndodhi një ngadalesim përpara fundit të vitit por procesi i anëtarësimit duhet të fillojë. Është i bindur për këtë Parlamenti, është i bindur Komisioni Europian, janë të bindur shumë shtete anëtare të Bashkimit Europian. Jam i bindur dhe unë që kjo është vetëm një vonesë. Kemi shpresa të mira sepse mbasi të jenë kapërcyer disa çështje që kanë të bëjnë me metodologjinë procesi i anëtarësimit mund të fillojë me shpejtësi. Ne jemi të bindur që mbasi të jenë rishikuar disa mekanizima të metodologjisë vërejtjet do të kapërcehen”, tha ai.

Paketa kundër KCK-se, miratuar të premten e javës që kaloi është kundërshtuar fort nga opozita jashtëparlamentare por ajo ka gjetur mbështetje nga Presidenti i Parlamentit Europian.

“Lufta lundër krimit të organizuar, cështjet që kanë të bëjnë në vënien e sigurisë, janë nisma që jo vetëm i shohim me favor por janë objektivisht të domosdoshme. Masa që është marrë për rikuperimin e pasurive të paligjshme jam i sigurt që do të ketë një rezultat të madh e të rëndësishëm.”, u shpreh Sassoli.

Mbi paketën kunder-KCK foli edhe kryeministri Rama gjatë konferencës, duke sqaruar më tej procesin ndaj atyre që do të identifikohen se kanë bërë para përmes krimit.

Kreu i qeverisë shtoi se akti normativ që do të luftojë krimin e organizuar është në vazhdën e reformës në drejtësi dhe është produkt i një bashkëpunimi me SPAK dhe me Gjykatën Speciale./abcnews.al