Скачать или смотреть सत्संग | Satsang | Swami Makarandnath | स्वामी मकरंदनाथ | 3 September 2024

Satsang | Spiritual Questions and Answers | सत्संग - अर्थात पारमार्थिक प्रश्न उत्तरांचा कार्यक्रम | 3 September 2024

0:00 केंद्र सुरुवात
3:35 प्रार्थना
7:21 प्रश्न: चिंतने चिंतने तद्रूपता असे आपण वेदांतसाधनेचे वर्म सांगता. आत चिंतन करणारा कोण असतो? आत्मा तर अकर्ता आहे. चित्त चिंतन करते म्हटले तर ते तकारामुळे जड समजले पाहिजे . कोणी करवून घेतल्याखेरीज चिंतन कसे आपले कार्य करेल? विषयचिंतनामध्ये अबोधात्मक जीव त्याच्याकडून चिंतन करवतो. आत्मचिंतन कोण करविते? जीवाच्या स्वरूपलक्षणामुळे म्हणजे अज्ञानजन्य स्थितीमुळे जीव संसाराचे चिंतन करेल पण त्याच्याकडून आत्म्याचे चिंतन कसे संभवेल?
42:24 प्रश्न: आपण २३ ऑगस्ट च्या प्रवचन शेवटी सांगितलं आहे की साधकाने आपली सहनशक्ती वाढवावी. देहाच्या, मनाच्या आणि बुद्धीच्या अंगानी सहनशक्ती वाढवावी आणि सारे काही साधनेच्या वेळी आत्मस्वरूपामध्ये लीन करावे. स्वामीजी, हे करायचे म्हणजे नेमके काय करायचे आहे? बाहेरच्या जगात वावरताना तर रोज नवनवीन ओरखडे उमटत असतात. साधनेच्या वेळी उलट ते आठवत राहतात आणि त्यापासून आपण वेगळे आहोत असा साक्षीत्वाचा अभ्यास करण्याची धडपड सुरु असते. दिवसभर आपल्याला जे जे बरेवाईट सहन करावे लागते तेच ध्यानाच्या वेळी अडथळा म्हणून उभे राहते. इतर विचार कमी झाले तरी मनाला झालेल्या जखमा आठवत राहतात. त्यापासून अलिप्त होण्यासाठी कसोशीने अभ्यास करावा लागतो आहे. पण आपण सांगता ते आत्मस्वरूपामध्ये लीन करायचे हे कसे जमवायचे? या युक्तीमुळे लवकर ध्यान जमणार आहे का? स्वामीजी, कृपया मार्गदर्शन करावे.
1:05:50 आरती
1:10:12 नामसाधना

सद्गुरू पू स्वामी मकरंदनाथ हे आदिनाथ श्री शंकरांपासून ज्ञानेश्वर महाराजांपर्यंत आणि पुढे पावसचे स्वामी स्वरूपानंद तसेच पुणे येथील पू स्वामी माधवनाथ ह्यांच्यापर्यंत थेट चालत आलेल्या नाथ संप्रदायाचे सांप्रत अध्वर्यू आहेत.

राजयोगात सांगितल्या जाणाऱ्या भक्तीसहीत सोहम ध्यानसाधनेचे पू स्वामी मकरंदनाथ हे अंतरंग अधिकारी व मार्गदर्शक आहेत. पू स्वामी मकरंदनाथ 1996 सालापासून नियमितपणे भगवद्गीता, ज्ञानेश्वरी, दासबोध ह्या अद्वैत ग्रंथांच्या आधारे पारमार्थिक विचारांचे प्रबोधन ते करीत आहेत. समाजातील सुशिक्षित, तरुण मंडळींमध्ये ध्यान नामादि साधनेची गोडी निर्माण करून समाज घडविण्याचे गुरुपदिष्ट कार्य अव्याहतपणे करीत आहेत. प्रपंच व परमार्थ एकरूप करून धन्यतेचे जीवन जगता येते हा आदर्श वस्तुपाठ स्वतःच्या उदाहरणावरून त्यांनी समाजाला घालून दिला आहे.

स्वामी माधवनाथ बोध प्रसारक मंडळ आणि श्री ज्ञानेश्वरी प्रसारक मंडळ ह्या दोन संस्थांच्या माध्यमातून ते परमार्थाचा प्रचार आणि प्रसार कार्य गेली 35 वर्ष पुणे तसेच देश, परदेशात करीत आहेत.

अधिक माहितीसाठी संपर्क साधावा:

मंदार वझे - 9545388686