Скачать или смотреть பேலியோ உணவுமுறை உடலுக்கு நல்லதா? | Is Paleo Good for Health In Tamil | Dr Maran

#Paleo #பேலியோ #Health

உலகில் பலரும் பலவிதமான உணவு முறையை உடல் எடை குறைப்பிற்கு நெடுங்காலமாக முயற்சித்து வந்துள்ளார்கள் என்று மருத்துவர் மாறன் கூறுகிறார். Protein diets, Atkins, LCHF போன்ற உணவு முறைகளை பட்டியலிடுகிறார். பல விதமான டையட்டுகள் உலகில் இருப்பதே சிலருக்கு தான் சிலவை பொருந்தும் என்று சொல்லாமல் சொல்கிறது. பேலியோ உணவுமுறை என்பது கற்கால மனிதன் வாழ்ந்த முறையை ஒத்து வடிவமைக்கப்பட்டதாகும். கற்கால மனிதனும் தற்கால மனிதனும் வெவ்வேறு வாழ்க்கை முறையை வாழ்வதால் பேலியோ முற்றிலும் பொருந்திப் போகும் என்று கூற முடியாது. விவசாயம் கண்டுபிடிக்கப்பட்ட பிறகும்கூட மனித இனத்தில் உடல் உழைப்பு இருந்தது. ஆனால் இப்போது அது பரவலாக இல்லை என்பதே யதார்த்தம்.



இதய நோய் உள்ளவர்கள், புகை பிடிக்கும் பழக்கம் உள்ளவர்கள் கூடுமானவரை பேலியோ டயட் எடுப்பதை தவிர்க்க வேண்டும். எல்லா ஊட்டமும் அடங்கிய சரிவிகித உணவு தான் மனிதனுக்கு சிறந்தது. பேலியோவில் உள்ளதுபோல் ஒரே மாதிரியான உணவை தின்றால் அலுத்துவிடும். அதோடு மட்டுமில்லாமல் பேலியோ உணவுமுறை செலவு பிடிக்கும் ஒரு உணவுமுறை ஆகும். அதனால் அதனை எல்லோரும் கடை பிடிக்க இயலாது. இறுதியாக எந்த உணவு முறையை எடுத்துக் கொண்டாலும் உடல் உழைப்பு அவசியம் இருக்குமாறு பார்த்துக் கொள்ள வேண்டும்.