尹光 / 鄧美玲丨朱買臣之逼寫分書丨尹光任曲新韻粵曲演唱會

#尹光 #粵曲 #任曲新韻粵曲演唱會

------------------------------
Audio Available on:
Apple Music: http://bit.do/e5Zq3
------------------------------

朱買臣之逼寫分書
主唱：鄧美玲 / 尹光
曲：古曲 詞：潘一帆 編：周熾楷 監制：張國林

旦唱：我錯嫁買臣嘆倒運
　　　滿心苦困　佢兩餐不繼
　　　自稱君子樂貧　唉吔我最怕捱窮
　　　心真不甘　我暗裡結識情郎
　　　立心改嫁別人
旦白：吓　個衰佬呀　日頭都落崗啦
　　　都仲未曾斬到柴番嚟
　　　一陣間番嚟嘅時候呢
　　　我借頭借路迫佢離婚至得　哼

生唱：真係悲失運呀
　　　二豎侵呀　今朝我仲發緊冷
　　　帶病入山行　枉我滿腹　珠璣
　　　也要捱飢饉呀　怪不得話百無一用
　　　就係書生　我空負飽學多才
　　　竟遭生活困　只因我點金無術
　　　今作採樵人　不幸我家有一個蠻妻
　　　可笑佢難安份呀
　　　只識把金錢就嚟到貪慕
　　　不識所謂淑婦　安...貧
　　　真正係柴米夫妻　無奈事事強為　啞...忍

生白：阿花　阿花　番嚟啦
旦白：咩呀　捨得番嚟啦咩
生白：唏　一見面就鬧至得架
　　　阿花　我都唔知點解
　　　我今日上山斬柴　好辛苦呀
　　　成個人沾寒沾凍咁
　　　唔該你　走去街尾阿二叔公嗰間藥材鋪
　　　賒劑廿四味番嚟比我飲下得嗎
旦白：咩話　仲話要執藥添呀
生白：係囉
旦白：好心你就唔好學人病啦
生白：都話賒住先呀嗎
旦白：你該死　我唔賒呀

生白：哎吔阿花　我同你做咗咁耐夫妻
　　　我叫你賒劑茶番嚟比我飲
　　　咁你都話唔得　你　你都唔好咁絕呀你
旦白：哎吔　咁仲話絕呀
　　　係架啦　我唔去賒藥呀
　　　執藥要錢架嗎
　　　冇錢就唔好學人病啦　衰佬
生白：哎吔　咁嘅說話你都講得出架花　唉
生唱：嗱　你為何待我咁狠心
　　　一旦當路人
旦唱：你寒貧
生唱：唉　賒劑藥我飲啫
旦唱：執藥要銀嘅
生唱：嘆貧窮在路邊冇人問
　　　苦煞我係窮人
旦唱：病壞災瘟
生白：咁都蹹得出嘅
旦唱：更令你妻捱窮受困
生唱：艱辛不過暫強忍啫
旦唱：飢饉實惡忍　不再受你呃氹
生白：阿花
生唱：妻莫發呀牢騷
旦白：唔發就假啦
生唱：須知小人窮斯濫
　　　而我則君子安貧
旦白：冇飯食嗰到弊呢
生唱：守得雲開
旦白：點呀
生唱：見月明
旦白：嗰陣我都老囉
生唱：終有日否極泰來
　　　勸妻你應宜　守本份
旦白：呸
生唱：貧賤夫妻　百事哀呀
旦白：你知就好啦
生唱：縱使牛衣相對泣
　　　只贏得煩惱　都加深呀
　　　嗱　達人應知命
　　　他日夫貴便妻榮
旦白：唓
生唱：開講都有話先苦後甜
　　　你都休怨恨好嗎
旦白：梗係唔好啦　好心你啦
　　　你啲咁嘅說話我都聽到厭啦
旦唱：呢個現實人生
　　　我不能心存幻想　等到你高中
　　　帶挈我做夫人
生白：咁你咪等吓囉
旦唱：就算你學姜子牙
生白：遲早得架
旦唱：到晚年富貴榮華　可惜我已經
生白：已經咩呀
旦唱：都冇命等
生白：哎吔　你好惡死口架嗎
旦唱：好彩我仲青春
生白：係囉
旦唱：我有蓮花美貌
生白：我知
旦唱：結識一位理想　俏郎君
生白：乜話
旦唱：有勢有財英俊甚呀
　　　誰叫你糧無隔宿　太清貧
　　　佢可以助你金萬両
旦白：有條件架啵
生白：咩條件呀
旦唱：惟是要離婚
生白：唔得
旦唱：精嘅你就當堂允肯呀
生白：唔應承
旦白：傻佬　俾錢你離婚噃
　　　要咗佢啦窮鬼
生白：哼　呢啲咁嘅衰錢呀
　　　就算我病死街頭　我都係唔要架啦
旦白：哦　真唔要定假唔要呀
生白：梗係真唔要啦
旦白：真係唔要我慳番呀
生白：哎吔　花　唔好咁得架
生唱：我拒絕錢財難退婚
　　　盼望如花休變心　你係我嬌妻
　　　焉能另再婚　你嫁夫縱是窮亦要安份
旦唱：你確實養妻無能
　　　仲弊過一碌棍
生白：哎吔
旦唱：慘過仲要我捱貧
生白：花
生唱：不過暫時累你遭苦困
　　　終有日大富來臨
旦唱：請問何時　窮鬼會轉運
　　　我冇得閒咁將你等嘅
生唱：妻呀你要想真
旦唱：想去想來都要轉退婚
生白：阿花
旦白：一於離婚
生白：唔離　你知唔知呀
　　　女子嫁夫應該要從一而終至好呀
　　　嗱我話比你聽呀
　　　你千祈唔好貪慕虛榮比嗰啲萬惡金錢
　　　累到你一失足成千古恨噃
旦白：好心你啦　我冇咁得閒聽你講故仔呀
　　　而家呢我係要你寫分書
生白：吓
旦白：脫離夫妻關係　大家各行各路
　　　此後男婚女嫁休再問呀
生白：哦　正是夫妻好比同林鳥
　　　大難臨頭都各自飛
　　　到呢個時候　我唔寫都唔得啦
旦白：快啲寫啦
生唱：此際我下筆痛苦都已萬分
　　　寫休書令我斷腸甚
　　　小書生抱恨心
　　　杏已出牆　羞不禁
　　　家聲破　真不幸
　　　我帶病更被刺激深
　　　拆散鴛盟　恨賦仳離
　　　絕愛分書寫了令我長懷恨
旦白：喂　寫好未呀
生白：寫好啦　嗱
旦白：寫好拎嚟睇吓啦
生白：睇啦　啱唔啱呀
旦白：咁就差唔多啦
　　　咁真係唔該晒你啦　朱先生
生白：去死啦你
旦唱：哎吔　我本來都好唔捨得你架
生唱：哼　我真係多謝你呢個無廉崔氏
　　　你刺激起我以後奮鬥去做人呀