ТОД МАГНАЙ ПОДКАСТ №82

Нар ээж, цэцэг дэлгэрээд...
Уяачид адуугаа ногоолж, зуны уяаны бэлтгэл хангаж буй зураг хөргөө нүүр номд хуваалцаж сэтгэл гэгэлзүүлээд тогтон сууж, төвлөрч бичихэд төвөгтэй л болж байна шүү хэхэ.
Гэхдээ зочноо бол танилцуулчихнаа...
"Тод магнай" подкастын ирэх дугаарын зочноор Завхан аймгийн Алдархаан сумын уугуул, Төв аймгийн Борнуур сумын харьяат Монгол Улсын Манлай уяач Жигжидийн Нямдорж хэмээх эрдэм чадвар нь энэ биедээ "томдсон"эрхэм оролцоно.
Үг хэл түргэн, үзэл бодол шулуухан, сэтгэл цагаан, хөдөлгөөн хөнгөн энэ эрхэм 1990-ээд оны сүүл 2000-гаад оны эхэн үед ид бужигнуулж байв.
Ямар муудаа л "Их хурд"-д хэлж байгаад их насны морь түрүүлгэж байхав.
Эр хүн хэлсэн үгэндээ элбэг дээл мэт хүрдэг байх сайхан.
Гэхдээ бид энэ удаа амжилт аархал, алдаа оноо, ухаарал, баяр талархал, зөвлөгөө зааврыг хослуулан хөөрөлдлөө.
Завчлаад үзчихэд гэмгүй л байх.
Бидний ярилцлага 5-р сарын 30-ны даваа гарагийнн 11 цагт "Тод магнай" пэйж хуудас болон "Тод магнай" аппликэйшн юүтүбийн Долгион сувгаар дамжин танд хүрэх болно.