Скачать или смотреть PNH / Rencontre stratégique sur la sécurité

Minis jistis ak sekirite piblik la, mèt Patrick Pélissier, ki te kenbe pòs Premye minis lan pou yon titan, te òganize yon gwo rankont, mèkredi 25 fevriye 2026 la, patikilyèman ak Wo kòmandman Polios nasyonal la epi majistra enterimè Delma a, Wilson Jeudy, nan lide pou ranfòse mezi sekirite yo nan komin lan kote gang kriminèl yo komèt plizyè ka kidnapin.
Yon rankont ki te òganize sou enstriksyon Premye minis lan kote direksyon jeneral PNH la te patisipe ansanm ak direksyon santral Polis jidisyè, direksyon santral administrasyon polis la epi direksyon depatmantal Lwès 1 ak 2.
Gen divès mezi otorite yo pran tankou ranfòse patwouy mobil ak pwen fiks lapolis yo, entansifye operasyon prevansyon ak represyon yo nan 10 depatman jewografik peyi a, ogmante antèn ak pòs avanse PNH yo, ranfòse kontwòl entèn twoup yo epi idantifye polisye yo kòmsadwa, ogmante operasyon sou wout yo epi fè pèkizisyon.
Aksyon sa yo montre volonte gouvènman an pou restore otorite Leta, pwoteje vi ak byen sitwayen yo epi kwape bandi yo k ap simen latwoublay nan sosyete a.