Скачать или смотреть როგორ აზარალა მევენახე შხამქიმიკატების უკონტროლო მოხმარებამ ვენახში

ჟურნალისტი, შორენა პაპაშვილი, რომელსაც მცირე მეურნეობა თავადაც აქვს, ფერმერებისა და სოფლების პრობლემების გადასაჭრელად 2021 წლის არჩევნებში კენჭსაც კი იყრიდა. ის დეტალურეად იცნობს გლეხების იმ პრობლემას, რაც შხამქიმიკატების დაუდევარმა გამოყენებამ სოფლებში შექმნა. მისი თქმით, გლეხები ჩივიან, რომ წლიდან წლამდე მცენარე მსხმოიარობისთვის სულ უფრო მეტ წამალს ითხოვს და თუ ვერ მიიღებს, მოსავალი ნაკლებია.
ამ კონტექსტში პაპაშვილი ყურადღებას ამახვილებს ბიოწარმოების კლებაზე და იმასაც უსვამს ხაზს, რომ შხამქიმიკატების უკონტროლო გაფრქვევა ჰაერში საფრთხეს უქმნის ეკო, მწვანე ზონებს, რაც აგროტურიზმის უმთავრესი კომპონენტია. პაპაშვილი გამოსავალს გლეხებისა და ფერმერების ცნობიერების ზრდასა და ბიოწამლებით მომარაგებაში ხედავს.

"მე თავად მქონდა შეხება იმ პრობლემასთან, რასაც ვაზის წამლობა ქვია. ზოგადად, მსხვილ ფერმერებთანაც მაქვს აქტიური შეხება და ვიცი, რა ხდება ამ სფეროში. მათი უმრავლესობა მოსავლის რაოდენობაზეა აქცენტირებული და ნაკლებად ხარიხზე. ამიტომ აქტიურად მოიხმარენ შხამქიმიკატებს. შხამქიმიკატების თვისება კი რა არის? - მან შესაძლოა მოგცეს სრულყოფილი მტევანი, თუმცა ეს ყურძენი კალებადშაქრიანია. ასეთი ყურძენი ბევრად უფრო მჟავეა, ვიდრე ბიოყურძენი. მე სოფლად მუდმივად არ ვცხოვრობ. გარკვეული პერიოდი მამამ ჩვენი ვენახი იჯარით გააქირავა. როცა საიჯარო ხელშეკრულების ვადა გავიდა, გადავწყვიტე მე ტავად მომეარა ჩემი ვენახისთვის. დავიწყე მევენახეობის საფუძვლიანი შესწავლა. მოვინდომე ბიოლოგიურად სუფთა ყურძნის მოყვანა, მაგრამ აქ შევეჩეხე დიდ პრობლემას: წინა ფერმერს უკვე შხამქიმიკატებით ჰქონდა დაწყებული მოვლა ამ ვენახის და მე უკვე წლები მჭირდება ვენახი რომ გადავიყვანო ბიოლოგიურად სუფთა წარმოებაზე. პირველ წელს მომცა მოსავალი, მაგრამ წლევანდელი წელი მთლიანად ჩამოვარდა, რადგან ის რაოდენობა შხამქიმიკატი აღარ მივაწოდე ვენახს, რასაც მიჩვეულია და ითხოვს მცენარე. გარდა ამისა, ნიადაგიც იფიტება და ზიანდება, მისი გამოკეთება კიდევ ცალკე ხარჯია," - ეუბნება "აგრო სიახლეებს" შორენა პაპაშვილი.