Скачать или смотреть Die ontwikkeling van die Christus bewussyn en hoe dit sekulêre toepassing vind • Philip Liebenberg

“Van Messias tot menslike lig: Die ontwikkeling van die Christus-bewussyn en waar dit sekukêre toepassing vind”

In hierdie diep en tog ligvoetige praatjie volg ek die lang reis van die Christus-idee — van die Joodse Messias na die Griekse Logos, van die vroulike Wysheid (Sophia) na die mistieke ervaring van innerlike eenheid.

Ek wys hoe die beeld van Christus oor eeue ontwikkel het:van ’n historiese verlosser tot ’n universele bewussynstoestand van liefde, helderheid en eenheid met alles wat lewe.

Ons gaan ook daarop let dat hierdie ervaring nie afhanklik is van geloof, godsdiens of tradisie nie. Dit is nie die baadjie waarin dit geklee is nie, maar die belewenis self wat sentraal staan.Mense wat hulleself as sekulêr spiritueel beskou — wat nie die konsep “Christus” in hul woordeskat gebruik nie — kan dieselfde verligting, dieselfde deernis en dieselfde innerlike vrede ervaar.

Die praatjie bring antieke wysheid en moderne bewustheid bymekaar, met stories, aanhalings, subtiele humor en dieper insig.Dit herinner ons daaraan dat die geloof in opstanding uit ’n graf antiek mag wees, — maar opstanding uit onbewustheid is vir elkeen beskore. Selfs sonder antieke beelde.

#ChristusBewussyn #Spiritualiteit #Wysheid #SekulêreSpiritualiteit #Eenheid #Selfkennis #InnerlikeLig #Bewussyn #Sophia #Logos #PhilipLiebenberg #LiefdeAsWeg #MenslikeLig