Скачать или смотреть မန္တလေးထက် နှစ် ၃၀ စောပြီး အင်္ဂလိပ်တည်ခဲ့တဲ့ AKYAB သို့မဟုတ် နှစ် ၂၀၀ ပြည့်တော့မည့် စစ်တွေ

မန္တလေးထက် နှစ် ၃၀ စောပြီး အင်္ဂလိပ်တည်ခဲ့တဲ့ AKYAB သို့မဟုတ် နှစ် ၂၀၀ ပြည့်တော့မည့် စစ်တွေ

စစ်တွေမြို့ကို ၁၈၂၆ ခုနှစ်၊ ဇန်နဝါရီလ ၁၂ ရက်နေ့မှာတည်ထားခဲ့ပြီးတော့ မန္တလေးမြို့ကိုတော့ ၁၈၅၇ ခုနှစ်မှာ ကုန်းဘောင်မင်းဆက်ရဲ့ ၁၁ ဆက်မြောက် မင်းတုန်းမင်းကြီးကတည်ထားခဲ့တာဖြစ်ပါတယ်။
ကျွန်တော်တို့ မြန်မာနိုင်ငံမှာ အင်္ဂလိပ်တွေတည်ခဲ့တဲ့ အစောဆုံးမြို့တွေထဲက တစ်မြို့ဖြစ်တဲ့ စစ်တွေမြို့ဟာဆိုရင် ရခိုင်ပြည်နယ်ရဲ့ မြို့တော်အဖြစ်လည်း အခုအချိန်ထိရှိနေဆဲလည်းဖြစ်ပါတယ်။
အင်္ဂလိပ်တွေ တည်ခဲ့တဲ့ စစ်တွေမြို့ဟာဆိုရင် လာမဲ့ ၂၀၂၆ ခုနှစ် ဇန်နဝါရီလ ၁၂ နေ့ဆိုရင် နှစ်ပေါင်း ၂၀၀ ပြည့်တော့မှာဖြစ်ပါတယ်။ ဒါ့ကြောင့် ဒီနေ့မှာတော့ ရခိုင်ပြည်နယ်ရဲ့ မြို့တော်ဖြစ်တဲ့ စစ်တွေမြို့ ဖြစ်ပေါ်လာတဲ့ သမိုင်းကြောင်းတွေနဲ့ အင်္ဂလိပ်တွေဘာကြောင့် စစ်တွေမြို့တည်ခဲ့တာလဲ၊ အင်္ဂလိပ်တေ အုပ်ချုပ်ခဲ့တဲ့ စစ်တွေမြို့ရဲ့ အခြေအနေတွေနဲ့ လက်ရှိစစ်တွေမြို့ရဲ့ အခြေအနေတွေကို တင်ဆက်ပေးမှာဖြစ်ပါတယ်။ ခင်ဗျာ….။
ဒီအကြောင်းကို ပြောရရင်တော့ မြန်မာ-အင်္ဂလိပ်စစ်ပွဲတွေကို ချန်လှပ်ထားခဲ့လို့ မရပါဘူး။ မြန်မာနိုင်ငံဟာ အင်္ဂလိပ်တွေနဲ့ စစ်ပွဲ ၃ ကြိမ်ဖြစ်ခဲ့ပါတယ်။ ပထမ မြန်မာ-အင်္ဂလိပ်စစ်ပွဲကို ဘကြီးတော်ဘုရားက ၁၈၂၆ ခုနှစ်မှာ ရန္တပိုစာချုပ် ချုပ်ဆိုပြီးတော့ ရပ်တန့်ခဲ့ပါတယ်။ စာချုပ်မှာ အင်္ဂလိပ်တွေ တောင်းဆိုတဲ့ အချက် ၅ ချက်ပါဝင်ပါတယ်။ အဲဒီထဲက တစ်ချက်ဖြစ်တဲ့ မြန်မာဘက်က ရခိုင်၊ တင်္သာရီ၊ အာသံ၊ မဏီပူရ နယ်မြေတွေကို အင်္ဂလိပ်တွေကို ပေးအပ်လိုက်ရတာ ပဲဖြစ်ပါတယ်။
အင်္ဂလိပ်တွေဟာ ရခိုင်၊ တင်္သာရီ၊ အာသံ၊ မဏီပူရနယ်မြေတွေကို ရရှိပြီးတဲ့နောက်ပိုင်းမှာ ရခိုင်ပြည်နယ်ရဲ့ အုပ်ချုပ်ရေးကို မြောက်ဦးမြို့က ပြောင်းရွေ့စေခဲ့ပါတယ်။ အင်္ဂလိပ်တွေရဲ့ အစပိုင်းအုပ်ချုပ်ရေးကိုတော့ မြောက်ဦးမြို့ကနေ စတင်ခဲ့ပေမယ့်။ မြောက်ဦးမြို့ဟာ သွားလာရခက်ခဲသလို အုပ်ချုပ်ရေး လက်လှမ်းမမှီတာတွေနဲ့ ငှက်ဖျားရောဂါ အဖြစ်များတာ ကြောင့် ပင်လယ်ထွက်ပေါက်ဖြစ်တဲ့ စစ်တွေကျွန်းကို မြို့တည်ဖို့ရွေးချယ်ခဲ့ကြတာဖြစ်ပါတယ်။
ဒါ့ကြောင့်လည်း တံငါရွာကလေးအဆင့်သာသာရှိတဲ့ ကျွန်းကလေးတစ်ခုဖြစ်တဲ့ စစ်တွေကို ၁၈၂၆ ခုနှစ်၊ ဇန်နဝါရီလ ၁၂ ရက်နေ့မှာ အင်္ဂလိပ်မြို့ဝန်ပတ္တင် ( Charle Paton)၊ သောမတ်ဒစ်ကင်ဆန် (Dickenson) နဲ့ ရခိုင်ခေါင်းဆောင် တွေဖြစ်တဲ့ မင်းသားကြီး ရွှေဘန်း၊ ဒေးဝန်းကြီးအောင်ကျော်ရွှီနှင့်မြို့သူကြီးအောင်ကျော်ဇံ တို့က ပန္နက်ချခဲ့ကြပါတယ်။ စစ်တွေမြို့လို့ စတင်ခဲ့တဲ့ ရပ်ကွက်ကတော့ မိဇံရပ်ကွက်လို့ သိရပါတယ်။
စစ်တွေမြို့ဟာ ရခိုင်ဘုရင်တွေနဲ့ မြန်မာဘုရင်တွေလက်ထက်က ကျွန်း သာသာရှိခဲ့ပေမယ့်။ အင်္ဂလိပ်အုပ်ချုပ် မှုစတင်တဲ့အချိန်မှာတော့ အင်္ဂလိပ်ခေတ် အုပ်ချုပ်ရေးမှာ အလွန်တရာမှ အရေးပါတဲ့ မြို့တစ်မြို့ ဖြစ်လာခဲ့ ပါတယ်။
#rakhinestate #crd #pauksaofficial #crd