Скачать или смотреть Debat në parlament mes Nanos dhe Berishës (12 Korrik 2004)

Lajme Arkiva 2004

Kuvendi zhvilloi mocion me debat me kryeministrin i kërkuar nga një grup deputetëtsh për zbatimin e objektivave të qeverisë në sektorin e telekomunikacionit. Kryeministri nano ka paraqitur bilancin pozitiv të ALBtelcom-it gjatë qeverisjes socialiste, por kryeministri ka pranuar se ALBtelecom-i ka njohur vështirësitë e futjes në treg të operatorëve celularë si dhe keqmenaxhimin nga qeveria socialiste. Për këtë i është kërkuar Kontrollit të Lartë të Shtetit të hetojë. Nuk dua të besoj, tha kryeministri, se një gjë e tillë bëhet enkas nga opozita për të penguar procesin e privatizimit të ALBtelecom-it brenda viti 2004.

Fatos Nano: “Kam këmbëngulur që të përshpejtohet dhe thellohet hetimi për identifikimin e rasteve dhe shkaktarëve të dëmeve eventuale që ata të ndëshkohen ligjërisht. Për të gjitha këto, si kryeministër, kam moralin dhe detyrën t’i kërkoj opozitës që kur është fjala për çështje me interes kombëtar apo pasuritë e çmuara kombëtare, siç është edhe ALBtelecom-i të lërë mënjanë propagandën partiake, të njohë dhe të përdorë gjuhën e fakteve dhe të sillet kombëtarisht.”

Sipas opozitës, dëmi ekonomik në ALBtelecom llogaritet 103 milionë dollarë. Lideri Berisha akuzoi se administrata shtetërore i ka humbur 100 milionë lek buxhetit të shtetit me faturat e telefonisë celulare dhe linjat hotline. Sipas tij, Fatos Nano u ka imponuar qytetarëve tarifat më të larta për të fshehur vjedhjet.

Sali Berisha: “161 min që kanë folur nga ALBtelecom-i në drejtim të kompanisë mobile të gjithë isakët. E keni parasysh që e bëjnë me para të shtetit, që shpenzojnë 100 milionë telefona në vit. Ja pra, kjo është. Tani do të them dhe tjetrën, me qenë se e do. Ti ia ke vënë dhe ke sjellë këtu dhe po sjell se do ta marrësh Telecom-in, po i bindur se do të përballesh me atë që s’mund ta marrësh kurrë dhe ti Fatos Nano që rrënove në këtë mënyrë një ndërmarrje e cila kishte 78 lek fitim për 100 lek shpenzime e ke bërë me 50 lek humbje për 100 lek shpenzime. Ti që iu imponove shqiptarëve tarifat më të larta për të kompensuar vjedhjen dhe borxhin që iu ke bërë ti në bashkëpunim me mafien tende Telecom, nuk do mund ta privatizosh atë. Mos i zgërdhi dhëmbët këtu se po flas! Me ty e kam, mos u zgërdhi këtu! Mos u zgërdhi këtu!”

Servet Pëllumbi: “Zoti Berisha vazhdoni diskutimin!”

Fatos Nano: “Tregoi dhe sot që ka ngelur me ‘trutë e sudes’. Ky nuk e kupton se ç’do të thotë ekonomi tregu. Ky trutharë përfundimisht na dha sot provën që do të pengojë edhe privatizimin e një pjese të çmuar të pasurisë kombëtare."

Namik Dokle : “Dua t’i them zotit Berisha që unë qesh me çdo gjë që më bën për të qeshur.”/tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/