شيلة بلحمر الترحيبية | كلمات سعيد بن علي الاحمري | اداء فهد القرني

شيلة ترحيبة بمناسبة زواج محمد بن سعيد آل عايض الاحمري

كلمات الشاعر سعيد بن علي الاحمري
اداء المنشد (نجم الفلكلور) فهد بن حسن بن محشي القرني


من قصيداً في رضى بن عمي اسوقه هديه
اعتمد رسم المعاني تحت ميزان الجزاله
ينصف الشاعر جماهير البيوت الجوهريه
مثل ماتنصف حدود الشرع طَلاب العداله
والبيوت الغُفْل ماربطها على اسمي والهويه
يوم كلا ينعرف وسمه على علباء جِماله
علم اللي ما درى انه عاش دور المزهريه
ما يصح الا صحيح ولا يكب الا حثاله
يا فهد بن محشي اسمك له وجود وقابليه
وانت نجم في سماء الابداع له فالكون هاله
اسمع اللي ما لها من قبل فالساحه سميه
واعطها من عذب صوتك ما يزودها جماله
يوم كلفني رفيق الجنب مالي معذريه
قلت حاضر واحتزم والشعر من صافي دلاله
ارتكيت وقمت والشاعر هواجيسه سخيه
في بني عمه وعنهم ما قصر حاله وماله
اتقدم واعطي الترحيب كل الاولويه
سلمنا والسلم ما نقبل ولا نرضى زواله
مرحبا ترحيبة يبلغ صدها العالميه
كل من يسمع بها غنى ورددها لحاله
باسم بلحمر نرحب عد هتان الرفيه
ارحبوا ثم ارحبوا ثم ارحبوا ياهل الجماله
مرحبا يامن تشرف جيته سمعة خويه
والعوايد تحكم الابطال في حق الزماله
مرحبا بالجار والانساب ورجال الحميه
والعواني والقبايل من تعنى لاحتفاله
مرحبا والضيف له منا الغلاء والمقدريه
مرحبا والضيف يلقى جيد الترحيب فاله
مرحبا والضيف يكرم بالدلال الشاذليه
والشحم والعود الازرق والحفاوه في قباله
كل ضيف شرف الموقف يشرفنا مجيه
ونتنومس وانتباهى به على ساعه وصاله
ماتعنى الا معزه ياعساها سرمديه
بين وافين السلوم وسادة الطيب ورجاله
قلتها باسم اسرة بامجادها العظمى غنيه
اسرة ال عايض رجال المدح واسياده وآله
واسم عوضه بن علي راع السلوم الحاتميه
كل بيت من بيوت المدح يرفع له عقاله
بعده اولاداً عزايمهم على العليا قويه
كل رجال يجمل لابته لا جاء مجاله
والدليل سعيد ابن عوضه عسى ايامه مديه
المراجل في سجل ايامه اجمل من صلاله
في صبح والا الرياض السيره العطره وفيه
مقصد الطرقي وبيته قصد من تاهت رحاله
والله اعطى بو علي في كل ناموس افضليه
واكرمه باولاده اللي طيبهم سابق مقاله
يامحمد عن لزومك ما يجي للعذر نيه
وانت كفوا والنسيب الكفو ما نرضى بداله
رحب مشاري وجمل موقفه والنار حيه
من غلاك ومن وفاء صيتك وطيبه واعتداله
الكرام يناسبون كرام والنيه مطيه
والولد طيبه وراثه بين ابوه وبين خاله
قلتها والشاعر اللي نظرته دايم عَليه
يحسب حساب القبيله في حضوره وامتثاله
لابتي وانا اتباهى بالسيوف الفيصليه
حدها يقضي اللزوم ويردع اصحاب العَياله
داعي ال لمعان والتاريخ مابه فوضويه
سطره فعل الرجال اللي لهم فالمجد طاله
في صبح للجود ميقاتً ومركز جاذبيه
ما تعدانا علوم الطيب وعلوم الشكاله
موطنً تاريخه اقدم من عصور الجاهليه
المكارم في رجاله ونتذرى في جباله
من نصانا يبشر بسعده ورفعة معنويه
بعدها وقفه تسجل بالذهب وتسر حاله
ذي عوايدنا على نهج السلوم الاحمريه
والعوايد عند بلحمر لها مصدر وكاله
نحمد الله مالنا في وقتنا الماضي خطيه
صيتنا ياخذ من الجدي ارتفاعه واشتعاله
نفتخر بامجادنا اللي كنها شمس الضحيه
واسمنا يلمع كما برق تلالا في مخاله
للشيم في سلم بلحمر حدود مفصليه
نحتميها والمواقف تشهد لحفظ الاصاله
الاحمري يمناه من مدة سخاء جوده نديه
شامخ مقدام ما جارى خُطاه الا ظلاله
نحتمي صيت القبيله بالشرف في كل هيه
والخطاء ما نبتدي به ونتواصى بإعتزاله
قلتها والشعر ماهو سرد لحروف ابجديه
القصيد اعجاز حبك وسبك من يصدق خياله
ماني اطيب شاعر في لابتي لكن عليه
من ملازيم القصيد الجزل تبليغ الرساله

#شيله #شيلات #شيلة #بللحمر #بلحمر
#شعر #قصايد #حماسية #جديد