Скачать или смотреть 13D-Дзæуджыхъæу

Цæгат Ирыстоны уæлдæр ахуыргæнæндæтты студенттæ архайдзысты Тюмены æппæтадæмон олимпиадæ «IT-Планета»-йы финалы. Фæсивæдæн уый у хорз фадат сæ зонындзинæдтæ IT-технологиты равдисынæн. Уæлахиздзаутæн фадат уыдзæн практикæ зындгонд компаниты ацæуынæн, стæй сæхи тыххæй, куыд арæхстджын информацион технологиты специалисттæ, фехъусын кæнын. Полинæ Чернуцкая æмæ Æфсæрæгты Алан дæр сæ проект олимпиадæйы равдисдзысты. Цавæр сын у, уый тыххæй та нæ дарддæры æрмæджы.

Дзæуджыхъæуы уынгтæ Æлборты Денис уырзæй сгаргæйæ ахуыр кæны. Йæ къуыхы æмбал кæмæн нæй, ахæм нырыккон 3D-картæ ис. Ацы ногдзинад æрхъуыды кодтой æмæ сарæзтой цæгатирыстойнаг студенттæ. Пластмассæ макетыл фæбæрæг кодтой Дзæуджыхъæуы алы уынг, бæстыхæйттæ, фæндæгтæ, суанг ма бордюртæ дæр. Цæстæй чи нæ уыны, уыдонæн сæ бон у картæ Брайлы системæмæ гæсгæ кæсын. йæ

Æлборты Денис: «Раст зæгъгæйæ, æз æнхъæлмæ дæр нæ касттæн, ахæм лыстæгдзинæдтæ дæр дзы басгарын кæй уыдзæн, уый. Ацы æрхъуыды тынг хорз æмæ цымыдисаг у. Йæ пайда та - æгъау у. Зæгъæм, нæ горæты ацы район хорз нæ зонын, фæлæ картæйы руаджы нæ фæдзæгæл уыдзынæн. Фæндæгтæ, маршруттæ, стæй кæцы уынгтыл цы ис, уый хуыздæр базыдтон».

Цæстæй æвзæр, кæнæ бынтон чи уыны, уыдонæн Дзæуджыхъæуы уынгтыл цæуын цæмæй æцондæр уа, ууыл бакуыстой Цæгат Кавказы хæххон металлургон институты студенттæ Полинæ Чернуцкая æмæ Æфсæрæгты Алан. Скодтой уырзæй сгаргæ картæ. Ацы куысты фæсивæд фыццаг фæлварæнтæ кæнынц, фæнды сæ нæ горæты алы районы макет саразын. Дызæрдыг нæ кæнынц ,уыцы хъуыддаг хъæугæ кæй у, ууыл.

Проекты автортæ кусынц дыууæ мæйы. 26-æм скъолайы районы макет æххæстæй сарæзтой. Уыцы куыст дæргъвæтин æмæ зынархайд у. Компьютерыл проект куы сцæттæ вæййы, уæд æй 3D принтерыл рауадзынц.

Се рхъуыдыйы тыххæй студентты фæнды сæ проекты тыххæй сæрмагонд сайты фехъусын кæнын. Сæ зæрдæ дарынц æмæ ахæм æххуыс кæй хъæуы, ахæм адæм сæм интернеты кæй фысдзысты. Афтæмæй та сæ бон фылдæр адæмæн баххуыс кæнын уыдзæн. Фæлæ уый фидæны. Ныр та уал фылдæр кусынц проект йæ къæхтыл слæууын кæныныл.

Фидæнмæ пълæнттæй цух не ййафынц фæсивæд. Куыд зæгъынц, афтæмæй Тюмены æппæтадæмон олимпиадæйы фæстæ сæ проекттыл дывæр тыхтимæ кусдзысты .
_
Мы рядом в:
vk.com/irystontv
instagram.com/irystontv
   / irystontv  
twitter.com/irystontv