Скачать или смотреть Achuthamangalam Somanathar Alayam அற்புதங்கள் நிறைந்த கலைக்கோவில் அச்சுதமங்கலம் சோமநாதர் ஆலயம்.

#Seerudaiyan #Somanathar #Somanatharkovil #Achuthamangalam #சோமநாதர்ஆலயம் #அச்சுதமங்கலம்

அற்புதங்கள் நிறைந்த கலைக்கோவில் அச்சுதமங்கலம் செளந்தரநாயகி உடனுறை சோமநாதர் ஆலயம்.
இழந்த செல்வத்தை மீட்க வேலைவாய்ப்பு கிடைக்க விரைவில் திருமணம் நடக்க மக்கட்செல்வம் பெற தரிசிக்க வேண்டிய தலம்.
அச்சுதமங்கலம்.
அண்டியவர் துயர் தீர்க்கும் அச்சுதமங்கலம் திருக்கோயில்கள்
(இழந்ததை மீண்டும் பெரும் பரிகார தலம் )
ஆன்மிகமாக சமுதாய நலம் போற்றிய சான்றோர்கள் திருவாரூர் மாவட்டத்தில் திருவாஞ்சியம், நன்னிலம் போன்ற தேவாரப் பாடல்பெற்ற திருத்தலங்களுக்கு அருகாமையில் அச்சுதமங்கலம் என்றதோர் ஊர் உள்ளது
புகழ்பெற்ற ஸ்ரீ வாஞ்சியம் தலத்திற்கு மிக அருகே , 2 கிலோமீட்டர் தூரத்தில் குடந்தை நன்னிலம் சாலையில் உள்ளது அச்சுதமங்கலம் எனும் ஊர் ...
பஞ்ச பாண்டவர்கள் தங்கள் வனவாசத்தின் போது இத்தலத்தில் தங்கி இங்கு ஐவரும் சிவலிங்கம் அமைத்து வழிபட்டனர் என்பது வரலாறாகும் ..
பின்னர் ஆட்சி செய்த சோழ மன்னர்களால் பிரம்மாண்டமாக திருக்கோயில்கள் அமைக்கப்பட்டன எனினும் அர்ச்சுனனை பிரதானமாக கொண்டு இவ்வூரை அர்ச்சுனன்மங்கலம் என்று அழைக்கப்பட்டது .
இன்று அச்சுதமங்கலம் என்று வழக்கில் உள்ளது .
திருநாவுக்கரசரால் வைப்புத் தலமாக வைத்துப் பாடப்பெற்ற தலம், அச்சுதமங்கலம், சோழர்கால தொன்மைக் கோயில். இறைவன் - சோமநாதர், இறைவி - சௌந்தரநாயகி.
மூன்றாம் குலோத்துங்கன் கட்டிய கோயில். மூலவர் சோமநாதர் . அம்பாள்:சௌந்தர்ய நாயகி. மூன்றாம் குலோத்துங்க சோழனின் ராஜகுருவான ஸ்ரீகண்டசம்பு எனப்பெறும் சுவாமி தேவரால் 1182ம் ஆண்டில் எடுக்கப்பெற்ற ஆலயம் என்பதை இவ்வாலயத்து கல்வெட்டுச் சாசனம் ஒன்று எடுத்துரைக்கின்றது
செளந்தரநாயகி அம்மன் நெற்றிக் கண் உடையவள் காலையில் மஹிஷாசுரமர்த்தினியாகவும் மதியம் லெட்சுமியாகவும் மாலையில் சரஸ்வதியாகவும் காட்சியளிப்பவள்
கோஷ்டத்தில் தட்சிணாமூர்த்தி, ஆதி விநாயகர், பாலசுப்பிரமணியன், லிங்கோத்பவர், பிருத்வி லிங்கம், அப்புலிங்கம், சனீஸ்வரர் ஆகியோர் உள்ளனர்.
வடக்கு பிராகார கோஷ்டத்தில் முப்புரம் எரித்தவர், அர்த்தநாரீஸ்வரர் பிட்சாடனர் கோலம், சண்டேஸ்வரர் அனுக்கிரகம் ஆகிய சிற்பங்கள் எழிலுடன் காட்சி தருகின்றன. எல்லாம் சோழர் பாணி சிற்பங்கள், பள பள, மொழு மொழு என பளிங்குச்சிற்பங்கள் போல் உள்ளன.
வீணை ஏந்திய தட்சிணாமூர்த்தி, கஜ சம்ஹார மூர்த்தி சிற்பங்கள் எங்கும் காண முடியாதவை.