Скачать или смотреть Posibleng pag-suspende sa business permit sa Prime Water, giduso sa Office of Licensing

Posibleng masuspende ang business permit sa Prime Water human mipasa og resolusyon ang Konseho sa Dakbayan nga naghangyo sa mayor nga i-direkta ang Office of Licensing sa pag-isyu og Notice of Violation tungod sa nagpadayon nga kakulangan sa suplay sa tubig nga nakaapekto sa daghang lumulupyo ug negosyo sa siyudad. Sumala ni City Legal Officer Atty. Julius Michael Barroso, daghang lugar ang nag-antos sa limitadong suplay sa tubig, hinungdan nga daghang reklamo ang nadawat sa konseho. Givutyag sa resolusyon nga manguna og imbestigasyon ang Office of Licensing sa operasyon sa Prime Water sa wala pa kini magpagawas og pormal nga pahimangno o notice of violation. Gipasabot usab ni Atty. Rendon Sangalang, nga ang maong lakang aron hatagan og higayon ang Prime Water nga makapasabot sa ilang bahin, apan gipasiugda nga ang pagkolekta og bayad bisan walay agas dapat apil sa imbestigasyon tungod kay posible kining paglapas sa serbisyo. Gikatakda nga mobisita ang Licensing Office sa mga pasilidad sa Prime Water aron masuta ang tinuod nga kahimtang sa suplay sa tubig. Kung mapamatud-an nga adunay kalapasan, posibleng ipatuman ang suspensyon sa business permit. Sa laing bahin, mahitungod sa walay agas sa pipila ka barangay ning dakbayan sa Malaybalay, gipasiugda ni CDRRMO Head Allan Jay Comiso nga pwede nang ideklarar ang state of calamity bisan duha ra ka barangay ang apektado, basta adunay rapid damage assessment ug koordinasyon sa mga resource person. Gibutyag usab nga mas angay ideklarar ang state of calamity kaysa state of emergency tungod kay apektado ang panginabuhian sa mga negosyante. Sa sesyon, ang Water District ug Prime Water mitug-an nga daghang leakage na ang giayo, apan mibalik gihapon ang problema tungod sa mga bara sa linya sa tubig. Bisan pa, nagpabilin nga dili kontento ang pipila ka konsehal sa ilang tubag ug gihulagway kini nga daghang alibi ug kulang sa klaro. Ang maong resolusyon nagtinguha nga pangayoon ang katungdanan sa Prime Water sa ilang responsibilidad sa paghatag og igo ug padayon nga suplay sa tubig.