الحياة العنيدهـ - فهد بن فصلا & بندر بن عوير ( حصرياً ) | 2024 - 4k

إشترك وفعل التنبيهات في قناة المصمم : بصمة السمو - الرسمية
   / @wynctji  


الحياة العنيدهـ - فهد بن فصلا & بندر بن عوير ( حصرياً ) | 2024 - 4k



‫تنبيه : نسخك للمحتوى او اعادة تحميله يعرض قناتك للاغلاق © .



الحياة العنيدهـ | (وصية آب )
كلمات معالي المستشار : سعود القحطاني
اداء : #فهد_بن_فصلا
اداء : #بندر_بن_عوير
فيديو : #بصمة_السمو
‏‭+966 55 463 8802‬



لمتابعة (بصمة السمو) عبر صفحات التواصل الاجتماعي :

‏Twitte : https://bit.ly/2VY7J8B
‏Instagram : https://bit.ly/3k0vc0W
TikTok : https://2u.pw/IA0cvIrW



—



كلمات العمل :

هذي وصية أب تكتب وتنقال
من واحد خاض الحياة العنيده
وصية من قلب مخلص للأشبال
لخالد الغالي وساري عضيده
بمحمد أوصيكم على كل الأحوال
على الأخوما يحرص إلا الوليده
الأخ ما تلقى عوض له ولا أبدال
فقد الأخويا عيالي أكبر فقيده
وأوصيكم بجدتكم بكل الأشكال
أمي ليامن غبت صارت وحيده
صيروا يد وحدة ترى الفرقة إذلال
حيث الوحيد يعيش عيشة زهيده
إليا اختلفتم صار لإبليس مدخال
خلى الصدور من العداوة وقيده
تراحموا ما بينكم شيب وعيال
يا حظ من حط التراحم رصيده
ربو على الدين وعلى الستر الأنجال
ارجو ثواب الله وخافوا وعيده
أنتم نسبكم فوق بالمرقب العال
سعود أبوكم والأصل في عبيده
وانا طويل ذراع وحمولي ثقال
الراس شامخ والهقاوي بعيده
اتعبت رجليني على كل متوال
وحطيت لي بصمة وسيرة مجيده
المرقب العالي رقيته ولا زال
آثار خطواتي عليه الوحيده
احفظ وصاة أبوك يا معرب الخال
أوصيك بالتقوى وحفظ العقيده
في طاعة الله لا يجي عندك إهمال
اطلب رضا اللي كلبونا عبيده
وطاعة ولي الأمر ما تقبل جدال
جت في كتاب الله وسنة أكيـده
من خان إمامه يعتبر مفسد وضال
ويصير للعدوان وأبليس صيده
واحرص على الصدق وعلى بيض
الأفعال ازرع فعل طيب وتلقى حصيـده
من يتصف بالكذب ما هو برجال الويبني
من الكذب قصر ويشيده
واحذر تعامل بالثقة كل بطال
لا راح منك بشي ما تستعيده
وترى الفرج نهاية الصبر لو طال
عواقب الصبر الحقيقي مفيده
من لا صبر على المصاعب والأهوال
ما هو بلاقي له حياة رغيده
واحذر حقوق الناس بالنفس والمال
عليك في تقدير الأريا السديده
واحذر تصير لسامج الهرج نقال
هذي صفات أهل العقول البليده
ما كل ما تسمع من الناس ينقال
إن ما قصرت الشر بالك تزيده
ولا كل من يركب على الخيل خيال
ولا كل صيده للنشامى طريده
ترى الرجولة ما هي شماغ وعقال
ولا هي بشيلة تنكتب أو قصيده
حيث المراجل فعل ما هي بالأقوال
الهرج كل الناس تقدر تجيده
الرجل منطوق ومواقيف وخصال
والشاهد الله والخلايق شهيده
خلك طليق حجاج والبيت مدهال
خلك كريم شوفة الضيف عيده
وحذراك من صحبة رديين وأنذال
تحسب عليهم والفتى من قعيده
ولا تقبل العيله ولا تصير عيال
عواقب العيال دایم نگیده
والزم صلاح النية وحسن الأعمال
وخاو الرجال أهل العقول الرشيده
واقنع ترى الأيام راحل ونزال
محدن يحقق كل شيء يريده
وترى التغافل هو سبب راحة البال
تغافل وتصبح حياتك سعيده
والحر ما ينزل على كل منزال
ولا يهوي بكفه على كل صيده
والظلم يهدم أمه ويفني أجيال
ويضيع مجد أهل الفعول التليده
وترى الحيا هيبه وتقدير وإجلال
يفتح عليك أبواب خير عديده
والبخل عيب ونقص قيمة وغربال
راعيه ما يقنع بما تملك إيده
والدين بارقاب الرجال أثقل أغلال
ومن لا ثني المعروف ما فك قيده
دين الجمايل ما هي ديون الأموال
المال تحصيه الرجال وتبيده
وخلك على الصحبة سبور ومهال
ما كل يوم ويوم صحبة جديده
وفي غلطة الغالين خذ طبع الأطفال
ساعة وينسون الزعل والمكيده
وحذراك يا خالد على الناس تختال
من الكبر نفسك ما هي مستفيده
وخلك جمل لامن برك شال الأحمال
لو الحمول ثقال وزن وجهيده
وخلك ذرى ربعك ولاخوانك ظلال
سند لهم عند الظروف الشديده
ظلال يلقون الأهل فيه مقيال
خواتك وربعك وكل البديـده
واحذر يميل الراس لو الدهر مال
عن درب ربعك لا يجي فيك حيده
وترى حلاة البنت مستوره الحال
من طاعة الله والنبي مستزيده
والستر ما هو في عباية ولا شال
ولا هي نصايح تنكتب بالجريده
الستر حفظ الدين حل وترحال
دايم علاقتها مع الله وطيده
تحفظ وجيه رجال وتربي رجال
على المراجل والخصال الحميده
العمر يمضي والله أعلم بالأجال
ما راح من عمر الفتى ما يعيده
ورغم اعتلال الحال أنا كلي أمال
وأمني النفس يحياة مديده
بهرت لك من صافي الشعر فنجال
واحفظ وصاني لا قريت القصيده



‫إشترك - إضغط على إعجاب - أضف تعليق - وأنشر المقطع جزاكم الله خيراً‬
‫‏Subscribe - Like‬

‫انتظرو كل ماهو جديد ..‬

🔴 ملاحضه :
اذا كان لك محتوئ يخصك وترغب في إزالته اخبرني بالتعليقات