Salamat Guinu, Salamat - C. Cadiang | Cover | Lyrics | Kapampangan Song

Salamat Ginu, salamat. Salamat king lugud mu at lingap. Salamat king pakamal Mu’t pamaningat. Salamat pu, salamat pu


I
Para king bie a pigkalub Mu kekami. Pamangan mi aldo-aldo babie Mu ngan. Tuknangan mi, imalan mi, nanu man ing kailangan mi. Salamat pu, Ginu salamat pu


II
Pali ning aldo at dimla na ning bulan. Tiup ning angin at kanta da ring ayup. Sala ding batuin ning bengi tataid karing maglakbe. Salamat pu, Ginu salamat pu.




III
Para karing pengari mi at kapatad. Kamag-anak at kasiping bale. Nu man kabayat ing bubuat maging mayan anting patpat. Salamat pu, Ginu salamat pu.


IV
Karing Banal Mung Amanu, salamat pu. Ikang sulu mi, Ikang kaligtasan mi. King kasakitan, kamatayan, Ika ing kapanayan. Salamat pu, Ginu, salamat pu