ល្ខោននិយាយរឿង«ស្វាយលើរឿងខ្ញុំ» ភាគ01 (សេង តារា) Romantic Drama SvayLeu Roeung kjom by: SENG DARA

រឿងនេះជាប្រវត្តិយុវវ័យរបស់ខ្ញុំកាលខ្ញុំនៅរៀនវិទ្យាល័យកោះធំ រវាងឆ្នាំ 1997-2000 ។ កាលនោះខ្ញុំបានចាកចេញពីស្រុកកំណើតហើយទៅរស់នៅភូមិ«កំពង់ស្វាយលើ» ក្នុងឃុំព្រែកថ្មី ស្រុកកោះធំ ខេត្តកណ្តាលដើម្បីរៀនបន្តថ្នាក់វិទ្យាល័យ ។ នៅទីនោះហើយដែលនាំឲ្យពន្លកមនោសញ្ចេតនាបានដុះពន្លកឡើងរវាងខ្ញុំនិងនាងសោភ័ណ ហើយក្រោយមកក៏បានបង្កើតចេញជារឿង«ស្វាយលើរឿងខ្ញុំ»នេះ ។ ដោយសារព្រហ្មលិខិត ពួកយើងមិនបានជួបគ្នាតាមបំណងឡើយ នាងសោភ័ណត្រូវឪពុកម្តាយបង្ខំឲ្យរៀបការនៅឆ្នាំ ២០០២ ព្រោះពួកគាត់អន់ចិត្តនឹងឪពុកម្តាយខ្ញុំដែលមិនចូលដណ្តឹងនាងសោភ័ណ ដោយពួកគាត់ទុកឱកាសឲ្យដែរ តែឪម៉ែខ្ញុំមិនព្រមដោយយល់ថា ខ្ញុំនៅរៀន ។ ក្រោយនាងសោភ័ណរៀបការឆ្នាំ ២០០២ ខ្ញុំក៏ខូចចិត្ត ពេលនោះខ្ញុំកំពុងរៀនមហាវិទ្យាល័យនៅេភ្នំពេញ ។ ដោយសារវិបត្តិស្នេហាខេះ ខ្ញុំក៏បាននិពន្ធចេញជាប្រលោមលោកនេះនៅឆ្នាំ ២០០២-២០០៣ ហើយបានបោះពុម្ពផ្សាយនៅឆ្នាំ ២០០៤ ។ ក្រោយមកពេលខ្ញុំចូលធ្វើការនៅវិទ្យុទន្លេ 102.5 MHz ខាងបុគ្គលិកនៅទីនោះក៏បានរួមគ្នាផលិតចេញជាល្ខោននិយាយរឿងនេះដោយមានលោក ចាន់ ឧត្តមជាអ្នកដឹកនាំថតនិងបញ្ចូលសម្លេង ថតនិងចាក់ផ្សាយក្នុងអំឡុងឆ្នាំ 2010-2011 ។ សេង តារា