Oru vilapam/ ഒരുവിലാപം BA 1st sem malayalam

വി.സി.ബാലകൃഷ്ണപ്പണിക്കർ

-

മലയാള കവിതയിലെ പരിവർത്തനയുഗത്തിന്റെ ശിൽപികളിൽ ഒരാളായിരുന്നു വി.സി. ബാലകൃഷ്ണപ്പണിക്കർ. പരമ്പരാഗത ശൈലിയിൽ നിന്നും കാൽപനികതയിലേക്കുള്ള പരിവർത്തനത്തിൽ ഇദ്ദേഹത്തിന്റെ കവിതകൾ നിർണായക സ്വാധീനം ചെലുത്തി.

മലപ്പുറം ജില്ലയിലെ വേങ്ങരക്കടുത്ത് ഊരകം മേൽമുറിയിൽ 1889 മാർച്ച് 1 ന് ജനനം, പ്രാഥമിക വിദ്യാഭ്യാസത്തിനുശേഷം കോഴിക്കോട് മാങ്കാവിൽ പടിഞ്ഞാറേ കോവിലകത്ത് വിദ്വാൻ ഏട്ടൻ തമ്പുരാന്റെ കീഴിൽ സംസ്കൃത കാവ്യ ശാസ്ത്രാദികൾ പഠിച്ചു. പഠനകാലത്ത് ഗുരുവിന്റെ കേരളവിലാസം, സൂക്തി മുക്താ മണിമാല എന്നീ സംസ്കൃതകൃതികൾ മലയാളത്തിലേക്ക് പരിഭാഷപ്പെടുത്തി. പിന്നീട് മാനവിക്രമീയം എന്ന അലങ്കാര ശാസ്ത്ര പുസ്തകം , കുമാരചരിതം, ഇന്ദുമതീസ്വയംവരം എന്നീ നാടകങ്ങൾ രചിച്ചു. പത്രപ്രവർത്തനത്തിലും കഴിവു തെളിയിച്ചിട്ടുള്ള അദ്ദേഹം കേരളചിന്താമണി, മലബാറി, ചക്രവർത്തിതുടങ്ങിയ പ്രസിദ്ധീകരണങ്ങളുടെ പത്രാധിപരായിരുന്നു.
തൃശ്ശൂരിൽ നിന്ന് പ്രസിദ്ധീകരിച്ചിരുന്ന കേരളചിന്താമണി എന്ന പത്രത്തിൽ ജോലിചെയ്യുമ്പോഴാണ്` പ്രസിദ്ധമായ ഒരു വിലാപം എന്ന കാവ്യം രചിക്കുന്നത്. തിരൂരിൽ 'ലക്ഷ്മീസഹായം' എന്ന പത്രം നടത്തിയിരുന്ന കാലത്താണ്` വിശ്വരൂപം , സാമ്രാജ്യഗീത എന്നി കൃതികൾ രചിക്കുന്നത്. അവസാനകാലത്ത് ക്ഷയരോഗബാധിതനായിരുന്നു. 1912 ഒക്ടോബർ 20 ന്` (24 വയസ്സ് തികഞ്ഞിരുന്നില്ല ) അന്തരിച്ചു.

പ്രധാനകൃതികൾ

നീതിസാരങ്ങൾ
നാഗാനന്ദം
ഒരു വിലാപം (1908 - ഈ കൃതി രചിച്ചത്‌ പത്തൊൻപതാം വയസ്സിലാണ്‌)
വിശ്വരൂപം
സന്ധ്യാസൂര്യൻ
മീനാക്ഷി
നിശ
ശീലാവതി
മഴക്കാറിലെ ആദിത്യൻ
മങ്കിഗീത
രണ്ടു മുക്തകങ്ങൾ
വർഷാചന്ദ്രൻ
സാമ്രാജ്യഗീത
സാമ്രാജ്യഗാഥ
ഭൂപാലമംഗളം
ഹാനോവർ വംശാവലി
ബാലാപഞ്ചകം
പനി
ദുർഗ്ഗാഷ്ടകം
ഒരു സ്തുതി
ശ്രീവാസുദേവാഷ്ടകം
അരോഗത്വമേകണമമ്മേ
ദേവീസ്ഥവം