កញ្ញា ឡៅ ដានេ កើតក្នុងត្រកូលក្រីក្រ បង្ហាញគន្លឹះរៀនភាសាអង់គ្លេសឲ្យឆាប់ចេះបំផុត

ទីក្រុងអង្គរ ខេត្តសៀមរាប (កម្ពុជា)៖ កើតក្នុងត្រកូលក្រីក្រក្នុងខេត្តសៀមរាប កញ្ញា ឡៅ ដានេ បច្ចុប្បន្ន មានអាយុ២៥ឆ្នាំ គឺជានារីម្នាក់ដែលបានតស៊ូរៀនសូត្ររហូតទទួលបានសញ្ញាបត្របរិញ្ញាបត្រកាលពីឆ្នាំ២០១៧កន្លងមក ហើយបច្ចុប្បន្ននេះ កញ្ញាបានក្លាយទៅគ្រូបង្រៀនភាសាអង់គ្លេសនៅឯសកលវិទ្យាបញ្ញាសាស្រ្តក្នុងរាជធានីប្រាសាទនៃខេត្តសៀមរាប។ នៅក្នុងសេចក្តីសម្ភាសមួយផ្នែកនៃបទសម្ភាសជីវិតទាំងមូលរបស់នាង កញ្ញា ដានេ បានប្រាប់ពីវិធីសាស្រ្តមួយចំនួនដើម្បីរៀនភាសាអង់គ្លេសឲ្យឆាប់ចេះបំផុត។ កញ្ញាបានបញ្ជាក់ថា ដើម្បីរៀនភាសាអង់គ្លេសឲ្យឆាប់ចេះ សិស្សានុសិស្ស និស្សិតទាំងឡាយ មិនត្រូវបង្ខំខ្លួនឯងដើម្បីរៀនភាសាឡើយ។ ផ្ទុយទៅវិញ សិស្ស និស្សិត ត្រូវចាត់ទុកភាសាអង់គ្លេសជាប្រដាប់ប្រដា«លេងសប្បាយ» និងចាត់ទុកវាជាកម្មវិធីកម្សាន្ត។ និយាយជារួម, សម្រាប់កញ្ញា ដានេ, ការសិក្សាភាសាអង់គ្លេសនាពេលបច្ចុប្បន្នមានពីររបៀប។ ទី១ សិស្ស និស្សិតអាចរៀននៅតាមសាលា និងទី២ សិស្ស និស្សិតអាចសិក្សាតាមអនឡាញបាន៕
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey