අඹේවෙල නවසීලන්ත ගොවිපළ සංකීරණය | දකුණු ආසියාවේ විශාලම කිරි ගොවිපළ | New zealand farm

අඹේවෙල මුහුදු මට්ටමේ සිට අඩි 6,064 (මීටර් 1,848) උසින් පිහිටා ඇත. මෙම ප්‍රදේශයේ උපරිම උෂ්ණත්වය සෙල්සියස් අංශක 23 ක් පමණ වන අතර අවම උෂ්ණත්වය සෙල්සියස් අංශක 9 ක් පමණ වේ.

නුවරඑළිය නගරයේ සිට හෝටන් තැන්න දක්වා ගමන් කරන මාර්ගයේ කිලෝමීටර් 20 යි මිනිත්තු 45 ක දුරකින් මෙම ගොවිපල පිහිටා ඇත.
දුම්රියෙන් එනවනම් තවත් පහසුය. අඹේවෙල දුම්රිය ස්තානයේ සිට් ගොවිපළ දක්වා ඇත්තේ ඉතා සුලු දුර ප්‍රමාණයක් වේ.

එළවලු වගාබිම්, වැව් සහ වනාන්තර ප්‍රදේශ පසුකරමින් ධාවනය ද ප්‍රබෝධමත් ය. ඔබ පසුකර යන තවත් ස්ථානයක් වන්නේ කන්දේ ඇල ජලාශය, මෙම මාර්ගයේ නැවැත්විය යුතුම ස්ථානයකි.

පැරණි අඹේවෙල ගොවිපළ 1940 දශකයේ මුල් භාගයේදී බ්‍රිතාන්‍යයන් විසින් ආරම්භ කරන ලද නවසීලන්ත ගොවිපල නවසීලන්ත රජයේ ආධාර ඇතිව 1960 දී ආරම්භ කරන ලද අතර එය කළමනාකරණය කරනු ලබන්නේද අඹේවෙල ගොවිපල විසිනි. මෙම ගොවිපල අක්කර 1500 කට අධික හරිත තණබිම් වලින් විහිදේ. ශ්‍රී ලංකාවේ සාමාන්‍ය එළදෙනකු මෙන් දෙගුණයක් විශාල එළදෙනුන්. මෙම ගොවිපල වසර පුරා උදේ 9 සිට සවස 6 දක්වා අමුත්තන් සඳහා විවෘතව පවතී. සහ ඇතුල්වීමේ ටිකට් පත සඳහා නාමික ගාස්තුවක් අය කෙරේ.

නව අඹේවෙල ගොවිපළ සංකීර්ණය ඉතා මෑතකදී ආරම්භ කරන ලද අතරම තවමත් එහි ඉදිකිරීම් සම්පුර්ණයෙන්ම නිමවා නොමැත. සීමාසහිත යුනයිටඩ් ඩේරීස් ලංකා සමාගමට අයත් මෙම අතිනවීන නව ගොවිපල දැනට කිරි එළදෙනුන් 1000ක් පමණ දක්නට ලැබේ.

දැනට නිමවා ඇති කොටසේ මේ වනවිටත් වැඩ කටයුතු අරඹා ඇති අතරම සම්පූර්ණ පරිඝනක පද්ධතියක් මගින් හැසිරවෙන මෙහි සහ අතිනවීන යන්ත්‍ර උපකරන අනුසාරයෙන් කිරිගවයින් පාලනය කිරිලබා ගැනීම සහ නිශ්පාදනය ඉතා කාර්‍යක්ශම ලෙස සිදුකරනු ලබයි. මීට අමතරව, දිනකට තුන් වරක් මෙම කිරි දෙනුන්ගෙන් කිරි එකතු කරන අතර, රටේ කිරි අවශ්‍යතා සපුරාලීම සඳහා දියර කිරි ලීටර් 40,000 ක් මෙම ස්ථානයෙන් සහ සමස්ත අඹේවෙල පද්ධතියෙන් වෙළඳපොළට නිකුත් කෙරේ. කිරි ගවයන් නඩත්තු කිරීම, අවශ්‍ය ආහාර පාන ලබා දීම, කිරා මැන බැලීම, රෝග තත්ත්වයන් හඳුනා ගැනීම, එසේ හඳුනා ගැනීමේදී ගවයින් වෙන් කිරීම ආදී සියලු කටයුතු ස්වයංක්‍රීය පද්ධතියක් භාවිතයෙන් යාන්ත්‍රිකව මෙහිදී සිදු කෙරේ.

Contact no - 0112 956 263
Web site - https://www.lmfgroup.lk/
Ambewela Farm
0112 956 263

Location
https://maps.app.goo.gl/GdtRCioNZ15Xu...