Lagu Gayo Terbaru - Nabila Kasih - Sadesa

Lagu ini diciptakan oleh bapak Hamka Kung, Lagu ini pernah di populerkan oleh Bengi Musik.

judul : Sadesa
Cipt : Hamka Kung
Vocal : Nabila Kasih

Aransemen dan Mixing : Sarbini
Recording : Clarisa Studio

Lirik lagu Sadesa

Ringis ni denem oo item
Si kerna mukale
Tangis ni nome woy pake
Ari kerna nipi
Menet beldem oo item
ayu ken tape
galak ni cike woy pake
belintem belangi
Sedih ni kayu
Si gere beruwah
Leno mutewah
Iyup ni gegebe
Sayang ni pumu uu uu …
Bertepok semelah
Olok di cakah susah
Jurah munerime
Wooo denie ee
Woo rembege e..
Reff :
Sadesa sadesa
Si ken tumpu nate
Sadehe sadehe ken paong bermenye
Sadesa sadesa
Si ken tumpu nate
Kodeh kodeh ne ken paong setie

Item ni tingkem o item
Uwah nane ane..
Ken totor dene woy pake
Tetemas I titi
Osop ni pejem oo item
Lelayang kare
kertas mucege woy pake
Le sayang ni tali
Uwah ni nangka
Si munaso getah
Terbang ni lebah
Mungenali bunge
Masin ni poa aa aa..
Terasa I delah
Biak siramah tenah
Galak mu bahgie
Wooo denie
Uwooo rembege ee
Reff :
Sadesa sadesa
Si ken tumpu nate
Sadehe sadehe ken paong bermenye
Sadesa sadesa
Si ken tumpu nate
Kodeh kodeh ne ken paong setie

Batang ni nunem wo item
Uwah rembebe
Manuk si dele woy pake
nge cico kecici
Sao bebelgem wo item
nge lale berteke
Letep musere woy pake
tejem lagu rui
Nasib ni mujur
oya ken petuah
Laing ni pepatah
I masa sedenge
Barat urum timuuur…
Jarang nge teridah
Ike sara langkah tuah
Kona ni sudere
Wooo denie ee
Woo rembege e..
Reff :
Sadesa sadesa
Si ken tumpu nate
Sadehe sadehe ken paong bermenye
Sadesa sadesa
Si ken tumpu nate
Kodeh kodeh ne ken paong setie