Скачать или смотреть MJANE ADAI KULAZIMISHWA KUPOKEA FIDIA YA MILIONI TANO AGAWE SHAMBA LENYE DHAHABU.

Bibi mjane anayefahamika kwa jina la Lemy John (84) mkazi wa kata ya Kinungu wilaya ya Igunga mkoani Tabora, anadai kuwa anaporwa shamba lake lenye madini ya dhahabu na kutishiwa usalama wake na mtu mmoja anayetumia mabavu kumuondoa kwa kutaka kumpa fedha kiasi cha shilingi milioni tano kama sehemu ya fidia wilayani humo.

Bibi huyo mjane akizungumza na GADI TV akiwa nyumbani kwake katika eneo hilo, amesema licha ya jambo hilo kwenda mahakamani na kuwekwa zuio la kusimamisha shughuli zote za uchimbaji katika eneo hilo, bado shughuli hizo zinaendelea kama kawaida bila yeye kunufaika na chochote.

Bibi huyo anaeleza kuwa awali baada ya mume wake kufariki dunia na kumwachia shamba hilo zaidi ya hekari sita, alikuja bwana mmoja anayetambulika kwa jina la Mohamed Ally maarufu kama mwarabu, na alianza kuchimba madini dhahabu katika eneo hilo, na alianza kutoa asilimia kidogo kwa familia kama sehemu ya kile kinachopatikana.

Aidha, muda ulivyozidi kwenda anadai yaliwekwa makubaliano kuwa kama familia walete vifaa vya uchimbaji wachimbe madini katika eneo hilo, lakini baadae mchimbaji huyo aligeuka akaja na maelekezo ya kufunga shughuli zote zinazofanyika kwenye mgodi wa familia hiyo, na kuwataka waondoke na vifaa hivyo.

Hata hivyo baada ya familia hiyo kuondoa vifaa hivyo, inaelezwa mchimbaji huyo alikuja na wazo lingine la kutaka eneo hilo lithaminishwe ili mwenye eneo aondoke alipwe fidia, na inadaiwa zoezi hilo limefanyika kimya kimya bila familia kuwa na taarifa.

Kadhalika, familia inaeleza kuwa wamepata taarifa kuwa wanatakiwa kwenda ofisi ya kata kuchukua fedha kiasi cha shilingi milioni tano kama sehemu ya fidia ya eneo hilo, na endapo kipindi cha miezi sita kitapita bila kuchukua fedha hizo watakosa vyote kwa pamoja, jambo ambalo wanadai lipo kinyume nao.

Kwa mujibu wa mchimbaji huyo baada ya kupigiwa simu na mwandishi wetu, amesema jambo hilo wakulizungumzia ni Afisa madini wa eneo hilo, na mwandishi wetu alivyomtafuta Afisa Madini mkoa wa Tabora Abel Madaha, amekiri ametoa kibali cha uchimbaji katika eneo hilo, na kusema mchimbaji yeyote anaruhusiwa kuomba kibali popote bila kujalisha eneo ni la nani.






GADI TV ndiyo
Channel pekee inayokuwezesha kupata Habari za Kisiasa,Michezo, Kijamii, na Burudani kutoka Ndani na Nje ya Tanzania. Kwa huduma ya Matangazo au Habari pamoja na maoni na ushauri usisite kuwasiliana nasi kupitia namba za simu +255 769 780 063 au e-mail: gaditvhabari@gmail.com

Don't forget to SUBSCRIBE, LIKE, COMMENT and SHARE!!! # GADI TV
Thanks.