Скачать или смотреть ප්‍රස්ථාව පිරුළු 50ක් විනාඩි 8න් ඉගෙනගමු - Prastha Pirulu for Government Exams

ප්‍රස්ථාව පිරුළු ජන වහරේ පවතින විශේෂ සම්ප්‍රදායක් ලෙස භාවිතා වේ. සිංහල සාහිත්‍යයේ ඇති මෙම ප්‍රස්ථාව පිරුළු පාසැල් තුල සිංහල සාහිත්‍ය විෂයේදී පමණක් නොව, රජයේ තරඟ විභාග වලදී භාෂා දැණුම සඳහා අත්‍යාවශ්‍ය කොටසක් වෙනවා. එම නිසා මෙම වීඩියෝව ඉගෙන ගන්නා ලොකු පොඩි සැමට ප්‍රයෝජනවත් වේවී.

ප්‍රස්තාව පිරුළු යනු තැනට ගැලපෙන ආකාරයට විවිධ අවස්ථාවන්හිදී, විශාල පරාසයක පැතිරුණු අර්ථයක් ප්‍රකාශ කිරීම වෙනුවට සිංහල භාෂාවේ යොදා ගන්නා කෙටි වැකියකි (ප්‍රස්තාව පිරුළු). මෙය සිංහල සාහිත්‍ය තුල බෙහෙවින් රසවත්ව ගෙනහැර දක්වයි. ප්‍රස්තා පිරුළු යම්විටෙක උපහාසාත්මක ප්‍රකාශ ඉදිරිපත් කිරීමට ද යොදා ගනී. බොහෝ අවස්ථා වලදී මෙම ප්‍රස්ථා පිරුළු බිහිවීම ගැන පසුබිම් කතන්දර/ජනකතා බොහෝ ඇති අතර, රජයේ තරඟ විභාග සඳහා අර්ථය ලිවීමට හෝ, අර්ථය දුන් විට ගැලපෙන පිළිතුර ලිවීමට, භාෂා දැණුම කොටසෙහි ප්‍රස්තා පිරුළු පිලිබඳ අසනු ලබයි. මෙවැනි පිරුළු නිතර පරිහරණයෙන් භාෂා දැණුම සඳහා පහසුවෙන් ලකුණු ලබා ගත හැකියි.

ප්‍රස්තාව යනු අවස්ථාවටයි. ඒ අනුව මේ පිරුළු ජනවහරේ විවිධ අවස්ථා සඳහා යොදාගන්නා බව පෙනී යයි. යම් වචනයක හෝ වාක්‍යයක අර්ථය වඩාත් කැපී පෙනෙන පරිදි උකහා දැක්වීම සඳහා සිංහල සම්ප්‍රදායේ යම් යම් යෙදුම් යොදා ගනී. මේවා යුගල පද, ඉඟි වැකි, ප්‍රස්තාව පිරුළු වශයෙන් කොටස් කිහිපයකට බෙදා දැක්විය හැකියි. මෙම ප්‍රස්තාව පිරුළු ලිවීමේදී මෙන්ම ව්‍යවහාරයේදීත් එක සේ භාවිතා කළ හැකිය. ඉතා ඈත අතිතයේ සිට ම භාෂිත මෙන්ම ලේඛණ ව්‍යහාරයේ දී ත් ප්‍රස්තා පිරුළු යොදා ගැනෙන්නේ පවසන අදහස රසවත් හා අර්ථවත් කිරීමටය.