✨現場實況：洪嘉豪唱《黑玻璃》🎤失守爆喊停唔到😭張敬軒送美國柏克萊音樂學院🎼課程值千萬? ｜Viu1 現場實況

✨現場實況：洪嘉豪唱《黑玻璃》🎤失守爆喊停唔到😭張敬軒送美國柏克萊音樂學院🎼課程值千萬? ｜Viu1 現場實況

洪嘉豪一連兩場嘅首個紅館騷《Kaho Live 2024》，噚晚圓滿結束，Kaho尾場狀態大勇，又跳又唱又同歌迷互動，氣氛由一開場已經high爆！呢晚請到睇住佢大嘅軒公張敬軒做嘉賓，兩位仲合唱咗《青春告別式》 同埋《 逆時車站》，Fans叫喊聲核爆紅館。

軒公向觀眾表示，自己人生之中最大嘅遺憾係冇好好讀書，讀唔到大學或者一啲鍾意嘅藝術課程、平面設計，為咗彌補遺憾，軒公特別為Kaho準備咗一份大禮，「既然你成日話我似你哥哥，做哥哥就梗係要供書教學，所以我幫你安排咗個學位！」亦即係美國知名音樂學院Berklee College of Music一年嘅音樂線上證書課程，軒公仔細同Kaho介紹課程，「上堂時間係2024年秋天！亦都唔會耽誤到你幕前工作，因為上堂時間係美國時間，香港凌晨！」然後將報讀文件俾Kaho睇，「你睇吓個銀碼，係咪似八位數字....」令Kaho同全場觀眾即時嘩嘩聲！Kaho認真向軒公感謝又承諾，「我會好好讀書，祝我學業進步！」軒公亦都應承會送畢業帽祝賀Kaho完成課程添！

另外，Kaho噚晚與戰車FL5一齊升台唱《黑玻璃》，唱到大半突然情緒失守爆喊，而且一直喊足三首歌才識停，歌迷見他喊到唱不到，即刻全場大合唱，場面勁感人！至於點解Kaho喊唔停？即刻睇現場實況，聽吓佢點解釋啦！

#洪嘉豪 #張敬軒 #軒公 #KahoLive2024 #青春告別式 #逆時車站 #黑玻璃 #BerkleeCollegeofMusic #柏克萊音樂學院 #現場實況 #Viu1娛樂新聞 #Viu1 #Viu #Viu煲劇平台

記得Subscribe Viu1HK嘅YouTube Channel，Follow埋IG同Facebook page呀
_____
►訂閱 Viu1HK YouTube Channel: https://bit.ly/3lYFNLW
►追蹤 Viu1HK Instagram:   / viu1hk  
►讚好 Viu1HK Facebook page:   / viu1hk  
►觀看更多精彩內容：https://www.viu.com