"İnklüziv təhsil" - sosial çarx

Avropa İttifaqının maliyyə dəstəyi ilə “Regional İnkişaf" İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” və UNICEF-in Azərbaycandakı nümayəndəliyi tərəfindən həyata keçirilən “Azərbaycanda əlilliyi olan uşaqlar üçün keyfiyyətli inklüziv təhsilin genişləndirilməsi” layihələri çərçivəsində növbəti sosial çarx hazırlanıb.
Video çarxın əsas məqsədi cəmiyyətdə inklüziv təhsilin əhəmiyyətini vurğulamaq, uşaqların bərabər hüquqlar və eyni şərtlər çərçivəsində təhsil ala bilmələrini göstərmək, xüsusilə valideynlərin diqqətini bu məsələyə yönəltmək və onların həssaslığını artırmaqdır.