Yapon ikili dünyanın ən hündür tunc Budda heykəlini təmizləyib

Dünyanın ən hündür tunc Budda heykəlinin baxımı hər il olduğu kimi bu il də mütəxəssis təmizlik işçiləri tərəfindən həyata keçirilib.

İkili Tokionun şimal-şərqində yerləşən Uşiku şəhərindəki Uşiku Daibutsu abidəsinin üzərindəki toz və quş zibilini yüksək təzyiqli su ilə təmizləyiblər.

120 metrlik heykələ ildə bir dəfə, 25 ilə yaxındır ki, bu işlə məşğul olan iki nəfər qulluq edir.

Təcrübəli təmizlik işçiləri 54 və 51 yaşlı Kazuyoşi Taquçi və 51 yaşlı Kazumi Minova ilk dəfə bu qeyri-adi işi öz üzərlərinə götürdükdə heykəli necə təmizləməyi bilmədiklərini və külək kimi bir çox çətinliklə qarşılaşdıqlarını bildiriblər.

Builki təmizlik zamanı ikili kəndir və vedrələrlə su daşıyaraq pilləkənlərlə Buddanın zirvəsinə qalxıb. Budda heykəli bazası nəzərə alınmasa Azadlıq heykəlinin hündürlüyündən üç dəfə hündürdür.

Daha sonra hər birinin eni bir metr olan 480 qıvrım saç telindən aşağı enərək heykəlin qulağında bir il ərzində yığılmış çirki çıxarıblar.