Скачать или смотреть សល់ នីតា | ប្រឡងស្មូតកំណាព្យឆ្នាំ២០២៤ | កំណាព្យបទពាក្យ ៧

Please like and subscribe to my channel: https://bit.ly/SovitiaEducation
CHANNEL: Sovitia Education បង្កើតឡើងក្នុងគោលបំណងចែកជូននូវសកម្មភាពអប់រំខ្លះៗ ពិសេសសកម្មភាពដើម្បីឆ្លើយតបនឹងកំណែទម្រង់ការគ្រប់គ្រងសាលារៀនស្របតាមការសម្រួចអាទិភាព នៃកំណែទម្រង់វិស័យ អប់រំ យុវជន និងកីឡាសម្រាប់ឆ្នាំ២០២៣-២០២៨ ឱ្យមានគុណភាព សមធម៌ បរិយាបន្ន ប្រសិទ្ធភាព និងចីរភាព។ សូមអរគុណ!

យុវតី សល់ នីតា រៀនថ្នាក់ទី៩ "A" អនុវិទ្យាល័យ រោងគោ ស្រុកក្រឡាញ់ ស្មូត​កំណាព្យបទពាក្យ ៧ ស្មូតបែបកុមារបា

អបអរសាទរ ការប្រឡងប្រជែងអំណាន ស្មូតកំណាព្យ និងតែងនិពន្ធថ្នាក់ខេត្ត ថ្ងៃអង្គារ ៤ កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែកុម្ភៈ ឆ្នាំ២០២៤

កំណាព្យបទពាក្យ ៧
១- កូនអើយបុព្វកាលដំណាលមក ពន្លកគួរយកជាតម្រា
ជាតិខ្មែរខ្សែពូជអ្នកឧស្សាហ៍ សោតទាំងប្រាជ្ញាឆ្លាតវាងវៃ ។

២- ចរិតរាបសាតែក្លាហាន សាងបានវិមានប្រាសាទថ្លៃ
តម្កល់កេរ្តិ៍ឈ្មោះខ្ពស់ស្កឹមស្កៃ និមិត្តស្នាដៃខ្មែរអង្គរ ។

៣- នោះសក្ខីតាងយ៉ាងប្រត្យក្ស កូនអើយជឿជាក់កុំថាភរ
គ្រប់ទ្វីបសកលយល់គាំទ្រ ស្ញប់ស្ញែងអង្គរព្រលឹងជាតិ ។

៤- ប្រវត្តិសាវតាដូនតាយើង ល្បីល្បាញរុងរឿងគ្មានវិវាទ
ឈ្នះសព្វបច្ចាអន្តរជាតិ ដែលប៉ងជ្រែកជ្រៀតជាតិបូរី ។

៥- ស្នាដៃបុព្វវីរជន ពិតមានគុណធ្ងន់លើផែនដី
កិត្តិសព្ទនោះចាប់ជាសក្ខី ស្ងួនមាសប្រុសស្រីចូលចាំទុក ។