Cricut Maker Unboxing - وأخيراً نزلت الفيديو التعريفي

ما حبيت الفيديو يكون طويل حبيته متخصر وحبيت الخلفية تكون لشيء متعلق بجهاز كريكت.
حسيت حلو تشوفون محتويات البوكس قبل ما أنزل فيديو يشرح طريقة تعريف وإعداد الجهاز بالبرنامج المخصص للقص - سهل و ممتع وما ياخذ وقت-
كريكت بجميع إصداراتها الشغل عليها ممتع بكل تفاصيله وراح تعيشونها معي بدروس قادمة بإذن الله.

وعلى فكرة تقدرون تطلبونه من أمازون أو من مواقع سعودية أو عربية متخصصه بالأعمال اليدوية.
أكتبوا بالبحث:
Cricut Explore Air
Cricut Explore Air 2
Cricut Maker
هذي الإصدارات الي انصح فيها وإذا مبتدئة أنصحك تبدين ب واحد من اول خيارين الي يناسبك سعره خذيه.
سعرهم مره حلو مقارنه بجهاز الميكر.
راح أتكلم عن الاختلافات بينهم قريب بحيث يساعدكم الموضوع بأنكم تختارون أنسب شيء لكم ولميزانيتكم.


وبما انه الفيديو الأول لي حبيت أقول كم شيء:
الفديو بسيط جداً وفيه أخطاء كثير خاصة بالصوت أول مره أسجل الصوت لفديو وأكيد ملاحظين من الصوت حمااسي أخاف انسى اتنفس من الحماس.
ياربيه من سنه أبي انزل الفديو بس طولت مره أفكر بأسم للقناة لين مليت واخترت شيء مره بسيط ممكن أغيرة مستقبلاً
لكن لو بقعد أفكر ماراح أفتح قناة، لازم أتعلم اني امشي الأمور حتى لو ماكانت مثل ما أبي.
هالشيء يخليني اعيد وأعدل مليون مره وكل مره أدقق أكثر وأحس الوقت يمشي وأنا للحين بنفس النقطة ما تحركت.
لاتحرموني من تعليقاتكم وأقتراحاتكم.

My Instagram:   / alanoud_crafting  
My Twitter:   / alanoudcrafting